ஆக்கிரமிப்புகளை அகற்ற எதிா்ப்பு: தீக்குளிக்க முயற்சித்த மக்களால் பரபரப்பு

காவேரிப்பட்டணம் அருகே ஜெகதாப் கிராமத்தில் ஆக்கிரமிப்புகளை அகற்றுவதற்கு எதிா்ப்பு தெரிவித்து சிலா் தீக்குளிக்க முயன்ால் பரபரப்பு ஏற்பட்டது.

ஜெகதாப் பகுதியில் 100-க்கும் மேற்பட்ட குடும்பத்தினா் வசித்து வருகின்றனா். இப் பகுதியைச் சோ்ந்த பொதுமக்கள் பயன்படுத்தி வந்த பொதுப்பாதையின் நத்தம் பகுதி நிலங்களை சிலா் ஆக்கிரமித்து வீடுகள் கட்டியுள்ளதாக நாசன் என்பவா் சென்னை உயா் நீதிமன்றத்தில் வழக்கு தொடா்ந்தாா்.

அதன்படி ஆக்கிரமிப்பு பகுதிகளை அகற்ற உயா்நீதிமன்றம் உத்தரவிட்டது. கடந்த செப்டம்பரில் ஆக்கிரமிப்புகளை அரசு அலுவலா்கள் முயன்றபோது, பொதுமக்கள் எதிா்ப்பு தெரிவித்து வாக்குவாதத்தில் ஈடுபட்டனா்.

இந்த நிலையில், கிருஷ்ணகிரி வட்டாட்சியா் வளா்மதி தலைமையில் வருவாய்த் துறையினா் ஆக்கிரமிப்பு பகுதிகளை அகற்ற புதன்கிழமை முயன்றனா். அந்தப் பகுதியில் ஆக்கிரமித்து கட்டப்பட்டுள்ள ஒரு வீட்டின் முகப்பை பொக்லைன் இயந்திரம் மூலம் இடித்தனா். அப்போது அங்கு திரண்ட மக்களில் சிலா் எதிா்ப்பு தெரிவித்து தங்கள் மீது மண்ணெண்ணெயை ஊற்றி தீக்குளிக்க முயன்றனா்.

இதையடுத்து காவேரிப்பட்டணம் காவல் ஆய்வாளா் சரவணன் தலைமையிலான போலீஸாா், அவா்களிடம் பேச்சுவாா்த்தை நடத்தினா்.

நீதிமன்ற உத்தரவை அமல்படுத்தும்போது, மக்கள் எதிா்ப்பு தெரிவிப்பது சட்டவிரோதம் என எச்சரித்தனா்.

இதையடுத்து, வீடுகளின் ஆக்கிரமிப்புகளை அளந்து குறியீடு வைத்துவிட்டு செல்லுங்கள் ஒரு வாரத்தில் ஆக்கிரமிப்புகளை நாங்களே இடித்து அகற்றி கொடுக்கிறோம் என பொதுமக்கள் கூறியதை அடுத்து வருவாய்த் துறையினா், போலீஸாா் அங்கிருந்து திரும்பிச் சென்றனா்.