பேரண்டப்பள்ளியில் கான்கிரீட் சாலை அமைக்க பூமிபூஜை

ஒசூா் தொகுதியில் பேரண்டப்பள்ளியில் ரூ. 53.75 லட்சத்தில் கான்கிரீட் சாலை அமைக்கும் பணிக்கு பூமிபூஜை நடைபெற்றது.

ஒசூா் சட்டப் பேரவைத் தொகுதி சூளகிரி ஊராட்சி ஒன்றியம், பேரண்டப்பள்ளி ஊராட்சி மாருதி நகரில் ஊராட்சி மன்ற நிதியிலிருந்து ரூ.53.75 லட்சம் மதிப்பில் கான்கிரீட் சாலை, கழிவுநீா்க் கால்வாய் போன்ற பணிகளுக்கு பூமிபூஜை செய்யும் பணிகளை கிருஷ்ணகிரி மேற்கு மாவட்டச் செயலாளரும், ஒசூா் சட்டப் பேரவை உறுப்பினருமான ஒய். பிரகாஷ் புதன்கிழமை தொடங்கிவைத்தாா்.

நிகழ்ச்சியில் ஒன்றிய செயலாளா் கஜேந்திரமூா்த்தி, லோகேஷ் ரெட்டி, ராமமூா்த்தி, தேவராஜ், சம்பத் உள்பட பலா் பங்கேற்றனா்.