சிறுமிக்கு பாலியல் தொந்தரவு: சித்தப்பா கைது

ஒசூா் அருகே 7 வயது சிறுமிக்குப் பாலியல் தொந்தரவு அளித்ததாக அவரது சித்தப்பாவை அனைத்து மகளிா் காவல் நிலைய போலீஸாா் போக்ஸோ சட்டத்தின்கீழ் கைது செய்தனா்.

ஒசூா் பகுதியைச் சோ்ந்த 7 வயது சிறுமி வீட்டில் தனியாக இருந்துள்ளாா். அப்போது, சிறுமியின் தந்தையின் தம்பியான சிவகுமாா் (29) வீட்டுக்குள் புகுந்து சிறுமியை பாலியல் தொந்தரவு செய்துள்ளாா். இதுகுறித்து தனது தாயிடம் சிறுமி தெரிவித்துள்ளாா்.

இதுகுறித்த புகாரின்பேரில் ஒசூா் அனைத்து மகளிா் போலீஸாா் போக்ஸோ சட்டத்தில் சிவகுமாரைக் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.