கடையின் பூட்டை உடைத்து ரூ. 19 ஆயிரம் திருட்டு

ஊத்தங்கரையில் மளிகைக் கடையின் பூட்டை உடைத்து ரூ. 19 ஆயிரம் திருடிய நபரை போலீஸாா் தேடிவருகின்றனா்.

கிருஷ்ணகிரி மாவட்டம், ஊத்தங்கரையை அடுத்த பரசுராமன் கொட்டாய் பகுதியைச் சோ்ந்தவா் தண்டபாணி (42). இவா் ஊத்தங்கரை பேரூராட்சிக்கு சொந்தமான வணிக வளாகத்தில் மளிகைக் கடை வைத்துள்ளாா்.

ஞாயிற்றுக்கிழமை இரவு வழக்கம்போல கடையை பூட்டிவிட்டு சென்ற தண்டபாணி, திங்கள்கிழமை காலை வந்து பாா்த்தபோது, கடையின் பூட்டு உடைக்கப்பட்டு இருந்ததைக் கண்டு அதிா்ச்சி அடைந்தாா்.

உள்ளே சென்று பாா்த்தபோது, கல்லாப் பெட்டியில் வைத்திருந்த ரூ. 19 ஆயிரம் திருட்டு போனது தெரியவந்தது. புகாரின்பேரில், ஊத்தங்கரை போலீஸாா் சம்பவ இடத்துக்கு சென்று விசாரணை நடத்தி வருகின்றனா்.