நாமக்கல்லில் திருவிளக்கு பூஜை

உலக நன்மை வேண்டி நாமக்கல் பாரத அன்னை சேவா அறக்கட்டளை சார்பில் திருவிளக்கு பூஜை நாமக்கல்லில் ஞாயிற்றுக்கிழமை மாலை நடைபெற்றது.
நாமக்கல் கோல்டன் பேலஸ் ஹோட்டல் அரங்கில் ஞாயிற்றுக்கிழமை மாலை நடைபெற்ற சர்வ ஐஸ்வர்ய செளபாக்கிய ஹோமம் மற்றும் திருவிளக்கு பூஜையை ஜெயம், மல்லிகா, பாக்கியலட்சுமி, லட்சுமி நர்மதா, கோமதி ஆகியோர் தொடங்கிவைத்தனர். கேரளத்தைச் சேர்ந்த மாதா அமிர்தானந்தமயி மடத்தின் சுவாமி ராமகிருஷ்ணானந்தஜீ பங்கேற்று பூஜையை நடத்தினார். பூஜைக்கான ஏற்பாடுகளை நாமக்கல் பாரத அன்னை சேவா அறக்கட்டளை தலைவர் ஆர். குழந்தைவேல், செயலர் எம். சுப்ரமணியம், துணைத் தலைவர் ஆர். ஹரிஹர கோபாலன், பொருளாளர் ஆர். சண்முகம் மற்றும் உறுப்பினர்கள் செய்திருந்தனர்.