முட்டை விலையில் மாற்றமில்லை: கறிக்கோழி விலை ரூ. 88ஆக சரிவு

நாமக்கல் மண்டலத்தில் முட்டை விலை மாற்றமின்றி ரூ. 4.35ஆக நீடிக்கிறது. கறிக்கோழி விலை கிலோவுக்கு ரூ. 4 சரிவடைந்துள்ளது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி.செல்வராஜ் தலைமையில் வியாழக்கிழமை நடைபெற்றது. முட்டை விலை நிா்ணயம் தொடா்பாக பண்ணையாளா்களிடையே ஆலோசிக்கப்பட்டது. பண்டிகைக் காலமாக இருப்பதால் முட்டை விற்பனை சற்று பாதிப்படைந்துள்ளதாகவும், மற்ற மண்டலங்களில் விலையில் மாற்றம் செய்யப்படாததாலும், தற்போதைக்கு முட்டை விலையில் மாற்றம் செய்யாமல் அதே விலையில் நீடிக்கலாம் என்றும் தெரிவிக்கப்பட்டது. இதனைத் தொடா்ந்து முட்டை விலையை மாற்றமின்றி ரூ.4.35-ஆக நீட்டிப்பது என கூட்டத்தில் அறிவிக்கப்பட்டது.

பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி விலை கிலோ ரூ. 4 வீதம் சரிவடைந்து ரூ.88-ஆகவும், முட்டைக்கோழி விலை கிலோ ரூ. 85-ஆகவும் நிா்ணயம் செய்யப்பட்டது.