இளையோா் தேசிய விளையாட்டுப் போட்டியில் பங்கேற்க அழைப்பு

 நாமக்கல் மாவட்ட விளையாட்டு மற்றும் இளைஞா் நலன் அலுவலா் சி.சிவரஞ்சன் வெளியிட்ட செய்திக் குறிப்பு:

2021-ஆம் ஆண்டில் 18 வயதுக்கு உள்பட்டோருக்கான ( 01.01.2003-க்குள் பிறந்திருக்க வேண்டும்) கேலோ இந்தியா இளையோா் தேசிய விளையாட்டுப் போட்டிகள் 2022 பிப். 5 முதல் 14-ஆம் தேதி வரையில் ஹரியாணா மாநிலத்தில் நடைபெற உள்ளது.

இதற்கான மாநில அளவிலான வீரா்கள் தோ்வு போட்டி (ஆண்கள் மற்றும் பெண்கள் இருபாலருக்கும்) நவ. 1-ஆம் தேதி காலை 6.30 மணிக்கு சென்னை நேரு உள்விளையாட்டரங்கத்தில் நடைபெற உள்ளது. இத்தோ்வுப் போட்டியில் கலந்துகொள்ள விருப்பம் உள்ளவா்கள் பள்ளி சான்றிதழ், வயது சான்றிதழ், அடையாள ஆவணங்கள், புகைப்படம் ஆகியவற்றுடன் தோ்வுப் போட்டியில் கலந்து கொள்ளலாம் என அதில் தெரிவிக்கப்பட்டுள்ளது.