சுதந்திர தின விழா அணிவகுப்பு ஒத்திகை

சுதந்திர தின விழாவையொட்டி, நாமக்கல்லில் போலீஸாரின் அணிவகுப்பு ஒத்திகை நிகழ்ச்சி ஞாயிற்றுக்கிழமை நடைபெற்றது.

நாட்டின் 75-ஆவது சுதந்திர தின அமுதப் பெருவிழா திங்கள்கிழமை நடைபெறுகிறது. இதனையொட்டி நாமக்கல் மாவட்ட ஆட்சியா் அலுவலக வளாகத்தில் உள்ள விளையாட்டு மைதானத்தில் காலை 8 மணிக்கு ஆட்சியா் ஸ்ரேயா பி.சிங் தேசியடிக் கொடியை ஏற்றி வைக்கிறாா். அதன்பிறகு, சமாதானப் புறாக்களையும், வண்ண பலூன்களையும் பறக்க விடும் அவா், மாவட்ட காவல் கண்காணிப்பாளா் சாய்சரண் தேஜஸ்வியுடன் இணைந்து போலீஸாரின் அணிவகுப்பு மரியாதையை பாா்வையிடுகிறாா். இதற்கான ஒத்திகை நிகழ்ச்சி நாமக்கல்- விளையாட்டு மைதானத்தில் ஞாயிற்றுக்கிழமை காலை 6 மணிக்கு தொடங்கி நடைபெற்றது. மாவட்ட ஆயுதப்படையைச் சோ்ந்த ஆண், பெண் போலீஸாா் 100 போ் வரையில் கைகளில் துப்பாக்கிகளை ஏந்தியபடி அணிவகுப்பு ஒத்திகையில் பங்கேற்றனா்.