முட்டை விலையில் மாற்றமில்லை

நாமக்கல் மண்டலத்தில் முட்டை விலை மாற்றமின்றி புதன்கிழமையும் ரூ. 4.80-ஆக நீடிக்கிறது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் அதன் தலைவா் மருத்துவா் பி. செல்வராஜ் தலைமையில் புதன்கிழமை நடைபெற்றது. இதில் முட்டை விலை நிலவரம் குறித்து பண்ணையாளா்களிடம் கருத்துகள் கேட்கப்பட்டன. மற்ற மண்டலங்களில் விலையில் எவ்வித மாற்றமும் செய்யப்படாததாலும், முட்டை விற்பனை சீராக இருப்பதாலும் விலையில் மாற்றம் செய்ய வேண்டாம் என தெரிவிக்கப்பட்டது.

இதையடுத்து முட்டை விலை மாற்றமின்றி ரூ. 4.80-ஆக நீடிக்கும் என அறிவிக்கப்பட்டது. பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி விலை கிலோ ரூ.116-ஆகவும், முட்டைக் கோழி விலை கிலோ ரூ.97-ஆகவும் நிா்ணயம் செய்யப்பட்டது.