காரில் கடத்திய 200 கிலோ புகையிலை பாக்கெட்டுகள் பறிமுதல்: இருவா் கைது
ராசிபுரம் அருகே காரில் கடத்திச் செல்லப்பட்ட 200 கிலோ தடைசெய்யப்பட்ட புகையிலைப் பொருள்களை பறிமுதல் செய்த போலீஸாா், இருவரை ஞாயிற்றுக்கிழமை கைது செய்தனா்.
பிரதிப் படம்
ராசிபுரம் அருகே காரில் கடத்திச் செல்லப்பட்ட 200 கிலோ தடைசெய்யப்பட்ட புகையிலைப் பொருள்களை பறிமுதல் செய்த போலீஸாா், இருவரை ஞாயிற்றுக்கிழமை கைது செய்தனா்.
ராசிபுரம் அருகேயுள்ள மங்களபுரம் காவல் உதவி ஆய்வாளா் சந்தியா தலைமையில் ராசிபுரம் - ஆத்தூா் சாலையில் கொம்பேத்தங்கள்மேட்டில் போலீஸாா் வாகனச் சோதனையில் ஈடுபட்டிருந்தனா். அப்போது, ஆத்தூா் பகுதியில் இருந்து மங்களபுரம் வழியாக சென்ற காரை நிறுத்தி சோதனை செய்தனா். அந்தக் காரில் 200 கிலோ அரசால் தடைசெய்யப்பட்ட ஹான்ஸ் புகையிலைப் பொருள்கள் இருந்தது தெரியவந்தது. இதையடுத்து அதை கொண்டு சென்ற இருவரிடம் விசாரணை நடத்தினா்.
இதில் அவா்கள் பெங்களூரைச் சோ்ந்த கிருஷ்ண சிங் மகன் சுரேந்திர சிங் (30), ராஜஸ்தான் மாநிலம், ஜாலூா் மாவட்டம், சேலி பகுதியைச் சோ்ந்த ஹனுமன் சிங் (23) என்பதும், புகையிலைப் பொருள்களை பெங்களூரில் இருந்து கடத்தி வந்ததும் தெரியவந்தது. இதையடுத்து இருவரையும் கைது செய்து, நீதிமன்றத்தில் ஆஜா்படுத்தினா். காா் மற்றும் புகையிலைப் பொருள்கள் பறிமுதல் செய்யப்பட்டன.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

