வாக்காளர் பட்டியலிலிருந்து 5,258 பேர் நீக்கம்

சங்ககிரி சட்டப்பேரவைத் தொகுதிக்குள்பட்ட வாக்காளர் பட்டியலை செம்மைப்படுத்தும் பணி அண்மையில் நடைபெற்றது. இதில் 5,258 பேர் நீக்கம் செய்யப்பட்டுள்ளனர்.

தேர்தல் ஆணையத்தின் அறிவுறுத்தலின் பேரில் வாக்காளர் பட்டியலை செம்மைப்படுத்தும் பணி சங்ககிரி வாக்காளர் பதிவு அலுவலர் சி.பால்பிரின்ஸ்லிராஜ்குமார் தலைமையில் நடைபெற்றது.

சங்ககிரி சட்டப்பேரவைத் தொகுதிக்குள்பட்ட சங்ககிரி, மகுடஞ்சாவடி ஊராட்சி ஒன்றியங்கள், தாரமங்கலம் பேரூராட்சிப் பகுதி உள்ளிட்ட 301 வாக்குச்சாவடி மையங்களுக்குள்பட்ட வாக்காளர் பட்டியலிருந்து இருமுறை பெயர் உள்ளவர்கள் 2,994 பேர், இறந்தவர்கள் என கருதப்படும் 2,264 பேர் என மொத்தம் 5,258 பேர் நீக்கம் செய்யப்பட்டுள்ளனர்.