வாழப்பாடி இலக்கியப் பேரவையில் சிவாஜி கணேசன் நடிப்பாற்றல் கருத்தரங்கு

வாழப்பாடி இலக்கியப் பேரவையின் 447-ஆவது கூட்டத்தில், மறைந்த நடிகர் சிவாஜி கணேசனின் நடிப்பாற்றலில் காதல்,  வீரம், பாசம் குறித்த கருத்தரங்கு சனிக்கிழமை நடைபெற்றது. 
இலக்கியப் பேரவையின் கூட்டத்துக்கு ஓய்வு பெற்ற தலைமையாசிரியர் முருகா.வரதராஜன் தலைமை வகித்தார்.  தாளாளர் செந்தில்குமார் வரவேற்றார். செயலாளர் சிவ.எம்கோ முன்னிலை வகித்தார். கூட்டத்தில்,  நடிகர் சிவாஜிகணேசன் நடிப்பாற்றலில் அதிக மக்களின் மனதில் நிலைத்திருப்பது காதலா? வீரமா? பாசமா? என்பது குறித்த கருத்தரங்கு நடைபெற்றது. ஆடிட்டர் ஆர். குப்பமுத்து, திருக்குறள் ஆய்வறிஞர் சுப்பிரமணியன், ஆசிரியர் சிவ.எம்கோ, கவிஞர்மன்னன் ஆகியோரும் கருத்துரை வழங்கினர். கூட்டத்தில், ஆப்பிள் கூட்டமைப்பு ஜவஹர், என்.கே.எஸ். சரவணன், மதியழகன், பாலுசாமி, தமிழ்சிறகு செந்தில்குமார் உள்ளிட்ட ஏராளமானோர் கலந்து கொண்டனர்.