சீலியம்பட்டி செல்லியம்மன் கோயில் தேர்த் திருவிழா

சீலியம்பட்டி செல்லியம்மன், மாரியம்மன் மற்றும் சுருட்டையம்மன் கோயில் தேர்த்திருவிழா புதன்கிழமை நடைபெற்றது.
இந்த கோயில்தேர்த் திருவிழா கடந்த  27 -ஆம் தேதி சன்னாசி வரதன் சுவாமிக்கு பூஜையோடு தொடங்கி நடைபெற்று வந்தது.இதையடுத்து புதன்கிழமை காலை மாரியம்மன் ஒரு தேரிலும், செல்லியம்மன்,  சுருட்டையம்மன் மற்றொரு பெரிய தேரிலும் வலம் வந்தனர். நிகழ்ச்சி ஏற்பாடுகளை கிராம பெரியதனக்காரர்கள் தர்மகர்த்தா மு.தங்கதுரை மற்றும்  கரைக்காரர்கள்செய்திருந்தனர்.இதில் ஏராளமான பக்தர்கள் கலந்து கொண்டு திருத்தேரை வடம் பிடித்து இழுத்தனர்.