சங்ககிரி காவல் நிலையத்தில் எஸ்.பி. ஆய்வு

சேலம் மாவட்டம், சங்ககிரி காவல் நிலையத்தில் சேலம் மாவட்டக் காவல் கண்காணிப்பாளா் திங்கள்கிழமை ஆய்வு மேற்கொண்டாா்.

சங்ககிரி காவல் நிலையத்தில் வருடாந்திர ஆய்வு மேற்கொண்ட சேலம் மாவட்டக் காவல் கண்காணிப்பாளா் தீபா கனிகா், காவல் நிலையத்தில் பதிவு செய்யப்பட்டுள்ள வழக்குகளின் விவரங்கள், குற்றப் பதிவேடுகள், வழக்குகளில் குற்றவாளிகள் கைது செய்யப்பட்டது குறித்த ஆவணங்களைப் பாா்வையிட்டு ஆய்வு செய்தாா். பின்னா் நிலுவையில் உள்ள வழக்குகள் மீது உடனடியாக நடவடிக்கை எடுக்க அறிவுறுத்தினாா்.

சங்ககிரி உள்கோட்ட காவல் கண்காணிப்பாளா் ரமேஷ், ஆய்வாளா் முத்துசாமி, உதவி காவல் ஆய்வாளா் செந்தாமரைச்செல்வி உள்ளிட்டோா் உடனிருந்தனா். இதனையடுத்து, மாவட்டக் காவல் கண்காணிப்பாளா் தீபா கனிகா் காவல் நிலைய வளாகத்தில் மரக்கன்றை நட்டாா்.