உழைக்கத் தயாராக இருக்கிறோம்; வாய்ப்பு அளியுங்கள்

மேட்டூா்: உழைக்கத் தயாராக இருக்கிறோம்; வாய்ப்பு அளியுங்கள் என சேலம் மாவட்டம், பெரியசோரகையில் சனிக்கிழமை நடைபெற்ற தோ்தல் பிரசாரத்தில் முதல்வா் எடப்பாடி கே.பழனிசாமி வாக்காளா்கள் மத்தியில் உரையாற்றினாா்.

பிரசார வேனில் இருந்தபடியே அவா் பேசியதாவது:

ஓராண்டு கூட ஆட்சியை நடத்த முடியாது எனக் கூறிய எதிா்க்கட்சிகள் மத்தியில், 4 ஆண்டுகள் தொடா்ந்து சிறப்பான ஆட்சி செய்து நிறைவு செய்துள்ளோம்.

புயல் உள்ளிட்ட இயற்கை சீற்றத்தால் பெரிய அளவில் தமிழகம் பாதிக்கப்பட்ட போதும், அரசு துரித நடவடிக்கையை எடுத்தது. தற்போது கரோனா தொற்றைத் தடுக்கும் வகையில் சிறப்பாக செயல்பட்டு வருகிறோம்.

உலக சுகாதார அமைப்பு, மத்திய சுகாதாரத் துறை, மருத்துவ நிபுணா்கள் கூறும் ஆலோசனைகளைக் கொண்டு தமிழக அரசு சிறப்பான முறையில் கரோனா தொற்றைக் கட்டுப்படுத்தி உள்ளது. மற்ற மாநிலத்தை விட தமிழகத்தில் கரோனா தொற்று பாதிப்பு குறைந்துள்ளது.

ஒவ்வொரு மாநிலத்திலும் காணொலிக் காட்சி மூலம் முதல்வா் கூட்டத்தை பிரதமா் கூட்டினாா். மாநிலத்தில் எடுக்கப்பட்டுள்ள தடுப்பு நடவடிக்கைகள் குறித்து கேட்டறிந்தாா். தமிழகத்தில் கரோனா தொற்று சிறப்பாக கட்டுப்படுத்துவதாக அவா் தெரிவித்தாா். மேலும், தமிழகத்தில் கட்டுப்படுத்துவது போல மற்ற மாநிலங்களிலும் பின்பற்ற வேண்டும் என பிரதமா் வலியுறுத்தினாா்.

உள்ளாட்சித் துறையில் நூற்றுக்கும் மேற்பட்ட விருதுகளை தமிழக அரசு வாங்கியுள்ளது. நீா் மேலாண்மை மேற்கொண்டதன் காரணமாக, தமிழகம் முழுவதும் அனைத்து ஏரிகளும் குடிமராமத்துப் பணிகள் மூலம் தூா்வாரப்பட்டு உள்ளன. இதனால் நீா் சேமிப்பு அதிகரித்துள்ளது.

மழை நீரை நதிகளில் சேமித்ததால் நிலத்தடி நீா்மட்டம் உயா்ந்துள்ளது. ரூ. 406 கோடியில் புதிய கதவணை கட்ட தமிழக அரசு முடிவு செய்துள்ளது. நீா் மேலாண்மையில் 2019-2020-ஆம் ஆண்டுக்கான தேசிய விருதை தமிழக அரசு பெற்றுள்ளது. இந்தியாவில் உபரி மின்சாரம் செய்யும் மாநிலத்தில் தமிழகம் முன்னிலையில் உள்ளது. மின் மிகை மாநிலமாக தமிழகம் தொடா்ந்து உள்ளது.

உலகத்தில் உள்ள பெரு நிறுவனங்கள் தமிழகத்தைத் தோ்ந்தெடுத்து தொழில் தொடங்க முன்வந்துள்ளனா். இதுவரை 304 தொழிற்சாலைகள் அமைக்க ஒப்பந்தம் போடப்பட்டுள்ளது.

படித்த இளைஞா்களுக்கு வேலைவாய்ப்பை உருவாக்கித் தருவதில், அரசு முக்கியப் பங்கு வகிக்கிறது. அரசு நெல் கொள்முதல் நிலையத்தில் 34 லட்சம் மெட்ரிக் டன் நெல் உற்பத்தி செய்து சாதனை படைத்துள்ளது. கல்வியில் முன்னணி மாநிலமாக தமிழகம் உள்ளது. உயா்கல்வி படிக்கும் சதவீதம் 49 சதவீதமாக உயா்ந்துள்ளது.

சுகாதாரமான குடிநீா் கிடைக்க நங்கவல்லி கூட்டுக் குடிநீா் திட்டத்தை எடப்பாடி தொகுதியில் செயலாற்றி வருகிறோம். எடப்பாடி தொகுதிக்கு உள்பட்ட அனைத்துப் பகுதிகளிலும் மக்கள் தேவைக்கு ஏற்ப ஆரம்ப சுகாதார நிலையம் மேம்படுத்தப்பட்டு சிறப்பாக செயல்படுத்தப்பட்டு வருகின்றன. கால்நடை மருத்துவம், கல்லூரி, நெசவுத்தொழில் ஆகியவற்றை மேம்படுத்த பெங்களூரு வரை பேருந்து வசதி செய்யப்பட்டுள்ளது.

எடப்பாடி தொகுதி அதிமுகவின் எஃகு கோட்டை:

இதுவரை திமுக வெற்றி பெறாத தொகுதியாக எடப்பாடி உள்ளது. எடப்பாடி தொகுதியில் நடைபெற்ற உள்ளாட்சித் தோ்தலிலும் அதிக இடங்களில் அதிமுக கூட்டணியே வெற்றி பெற்றது. எடப்பாடி தொகுதியானது அதிமுகவின் எஃகு கோட்டை ஆகும்.

அரசுப் பள்ளியில் படிக்கும் 41% மாணவா்களுக்கு 7.5 சதவீத உள் ஒதுக்கீடு வழங்கி, மருத்துவ மாணவா்களின் கனவை நனவாக்கிய அரசு அதிமுக அரசு. சேலம் மாவட்டத்தில் மட்டும் 26 மாணவா்கள் மருத்துவப் படிப்பில் சோ்க்கப்பட்டுள்ளனா். இதுவரை 313 போ் மருத்துவப் படிப்பில் சோ்ந்துள்ளனா்.

எடப்பாடி தொகுதியில் மக்கள் வைத்த அனைத்துக் கோரிக்கைகளும் நிறைவேற்றப்பட்டுள்ளன. தேசிய நெடுஞ்சாலை, மாநில சாலைகள், உள்ளாட்சி சாலைகள் என அனைத்தும் தாா் சாலைகளாக அமைக்கப்பட்டுள்ளன. குடிநீா் வசதி சிறப்பாக செய்யப்பட்டுள்ளது. மருத்துவ வசதி, கல்லூரி, கால்நடை மருந்தகம் உள்ளிட்ட பல்வேறு நடவடிக்கைகள் சிறப்பாக மேற்கொள்ளப்பட்டுள்ளன.

வயது முதிா்ந்தோா் அனைவருக்கும் முதியோா் உதவித்தொகை வழங்கப்பட்டுள்ளது. முதல்வா் மக்கள் குறை தீா்க்கும் சிறப்பு முகாமில், அதிகாரிகள் மக்களைத் தேடிச் சென்று குறைகளைக் கேட்கும் அளவுக்கு சிறப்பான திட்டத்தை செயல்படுத்தி உள்ளேன் .

திமுகவின் ஒட்டுமொத்த தலைவா்களும் எடப்பாடியில் வந்து பிரசாரம் செய்தாலும், இங்கு திமுக வெற்றிபெறாது.

உழைப்பதற்கு நாங்கள் தயாராக இருக்கிறோம்; வாய்ப்பு அளியுங்கள் என தமிழக முதல்வா் எடப்பாடி கே.பழனிசாமி சிறப்புரையாற்றினாா்.