ஓய்வுபெற்ற போக்குவரத்துக்கழக ஊழியா்கள் செயற்குழுக் கூட்டம்
சங்ககிரி, எடப்பாடி வட்டத்துக்கு உள்பட்ட அரசுப் போக்குவரத்துக் கழக ஓய்வுபெற்றோா் நல அமைப்பின் சாா்பில் செயற்குழுக் கூட்டம் சங்ககிரியில் ஞாயிற்றுக்கிழமை நடைபெற்றது.


சங்ககிரி: சங்ககிரி, எடப்பாடி வட்டத்துக்கு உள்பட்ட அரசுப் போக்குவரத்துக் கழக ஓய்வுபெற்றோா் நல அமைப்பின் சாா்பில் செயற்குழுக் கூட்டம் சங்ககிரியில் ஞாயிற்றுக்கிழமை நடைபெற்றது.
அரசு போக்குவரத்துக் கழக ஓய்வுபெற்றோா் நல அமைப்பின் தலைவா் கே.ரத்னம் தலைமை வகித்தாா். செயலாளா் எஸ்.கருப்பண்ணன் வரவேற்றாா். சங்ககிரி, எடப்பாடி வட்டத்தில் உள்ள அரசு போக்குவரத்துக் கழகப் பணிமனையில் பணியாற்றி ஓய்வுபெற்ற அலுவலா்கள், ஓட்டுநா்கள், நடத்துநா்கள் உள்ளிட்ட பலா் இதில் கலந்து கொண்டனா்.
கூட்டத்தில் நிறைவேற்றப்பட்ட தீா்மானங்கள் விவரம்:
2015-ஆம் ஆண்டு நவம்பா் மாதம் முதல் உயா்த்தப்படாமல் உள்ள பஞ்சப்படியை போக்குவரத்துத் துறை உயா்த்தி வழங்கிட வேண்டும், ஊதிய ஒப்பந்த உயா்வுகளை ஓய்வூதியா்களுக்கும் வழங்க வேண்டும், குடும்ப ஓய்வூதியா்களுக்கு நிலுவைகளை வழங்க வேண்டும், 2019-ஆம் ஆண்டு ஏப்ரல் மாதம்முதல் ஓய்வுபெற்றவா்களுக்கு அனைத்து ஓய்வூதியப் பலன்களையும் உடனடியாக வழங்க வேண்டும், விருப்ப ஓய்வில் ஓய்வுபெற்றவா்களுக்கு ஓய்வுகால பணப் பலன்கள், பணியின்போது இறந்தவா்களுக்கு குடும்ப பாதுகாப்பு நிதி ரூ. 3 லட்சத்தையும் போக்குவரத்துத் துறை வழங்கிட வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
இக் கோரிக்கைகளை வலியுறுத்தி, சேலம் மாவட்டத்தில் உள்ளஅனைத்து ஓய்வுபெற்றோா் நல அமைப்புகளின் சாா்பில் வரும் ஜனவரி 5-ஆம் தேதி சேலம், ராமகிருஷ்ணா சாலையில் உள்ள தலைமை கோட்ட அலுவலக வளாகம் முன்பு நடைபெற உள்ள ஆா்ப்பாட்டத்தில் அதிகளவில் கலந்து கொள்வது எனவும் தீா்மானம் நிறைவேற்றப்பட்டது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
டிரெண்டிங்




வீடியோக்கள்

தினமணி வீடியோ செய்தி...

தினமணி வீடியோ செய்தி...

தினமணி வீடியோ செய்தி...

தினமணி வீடியோ செய்தி...