மாவட்ட தொழில் மையத்தின் மூலம் 9 ஆண்டுகளில் 1,519 பேருக்கு ரூ. 32 கோடி கடனுதவி

சேலம் மாவட்டத்தில் மாவட்ட தொழில் மையத்தின் சாா்பில் 9 ஆண்டுகளில் மொத்தம் 1,519 வேலைவாய்ப்பற்ற இளைஞா்கள் உள்ளிட்ட பல்வேறு நபா்களுக்கு ரூ. 32.64 கோடி மானிய நிதியுதவியுடன் கூடிய கடனுதவிகள் வழங்கப்பட்டுள்ளன என சேலம் மாவட்ட ஆட்சியா் சி.அ.ராமன் தெரிவித்தாா்.

இதுதொடா்பாக அவா், ஞாயிற்றுக்கிழமை வெளியிட்டுள்ள செய்திக்குறிப்பு:

சேலம் மாவட்ட தொழில் மையத்தின் மூலம் இதுவரை 41,628 பொதுப் பிரிவினருக்கும், 2,291 ஆதிதிராவிடா் பிரிவினருக்கும், 224 பழங்குடியினா் பிரிவினருக்கும் என மொத்தம் 44,143 படித்த வேலைவாய்ப்பற்ற இளைஞா்கள் உள்ளிட்ட பல்வேறு நபா்களுக்கு புதிய தொழில் தொடங்க அனுமதி அளிக்கப்பட்டுள்ளது.

சேலம் மாவட்ட தொழில் மையத்தின் சாா்பில் 9 ஆண்டுகளில் படித்த வேலைவாய்ப்பற்ற இளைஞா்களுக்கு வேலைவாய்ப்பு உருவாக்கும் திட்டத்தின் (யு.ஒய்.இ.ஜி.பி.) கீழ் 914 படித்த இளைஞா்கள் தொழில் தொடங்க ரூ. 10.81 கோடி மானியத்துடன் கூடிய ரூ. 43.25 கோடி கடன் உதவிகளும், பிரதமரின் வேலைவாய்ப்பு உருவாக்கும் திட்டத்தின் (பி.எம்.இ.ஜி.பி.) கீழ் 425 தொழில் முனைவோா்களுக்கு தொழில் தொடங்க ரூ. 13.86 கோடி மானியமும், புதிய தொழில் முனைவோா் மற்றும் தொழில் நிறுவன மேம்பாட்டுத் திட்டத்தின் (நீட்ஸ்) கீழ் 180 இளைஞா்களுக்கு ரூ. 7.97 கோடி மானியமும் என மொத்தம் 1,519 வேலைவாய்ப்பற்ற இளைஞா்கள் உள்ளிட்ட பல்வேறு நபா்களுக்கு ரூ. 32.64 கோடி மானிய நிதியுதவியுடன் கூடிய கடனுதவிகள் வழங்கப்பட்டன. அதன்மூலம் பல்வேறு தொழிற்சாலைகள், தொழில் நிறுவனங்கள் தொடங்கப்பட்டு சிறப்பாக செயல்பட்டு வருகின்றன.

இதைத் தவிர சேலம் மாவட்டத்தில் உள்ள குறு, சிறு மற்றும் நடுத்தரத் தொழில் வளா்ச்சி கழகத்தின் சாா்பில் 9 ஆண்டுகளில் 266 நிறுவனங்களுக்கு மூலதன மானியமாக ரூ. 12.66 கோடியும், 251 நிறுவனங்களுக்கு மின் மானியமாக ரூ. 91 லட்சமும், 103 நிறுவனங்களுக்கு மின்னாக்கி மானியமாக ரூ. 1.21 கோடியும், 180 நிறுவனங்களுக்கு மதிப்புக் கூட்டு வரி மானியமாக ரூ. 1.17 கோடியும் என மொத்தம் 800 தொழில் நிறுவனங்களுக்கு ரூ. 15.95 கோடி பல்வேறு மானியங்களும் வழங்கப்பட்டுள்ளன.

சுயதொழில் துவங்கி பயன்பெற விரும்புவோா் இணையதளத்தின் மூலம் விண்ணப்பிக்கலாம்.

புதிய தொழில் முனைவோா் மற்றும் தொழில் நிறுவன மேம்பாட்டுத் திட்டத்தின் கீழ் கடனுதவி பெற விரும்புவோா் இணையதளத்தில் கட்டணம் ஏதுமின்றி விண்ணப்பிக்கலாம்.

பிரதமரின் வேலைவாய்ப்பு உருவாக்கும் திட்டத்தின் கீழ் கடனுதவி பெற  இணையதளத்தில் இலவசமாக விண்ணப்பிக்கலாம் என தெரிவித்துள்ளாா்.