கட்டட இடிபாடுகளுக்கு இடையே கிடந்த இளைஞா் சடலத்தை மீட்டு போலீஸாா் விசாரணை

சேலத்தில் கட்டட இடிபாடுகளுக்கு இடையே கிடந்த இளைஞரின் சடலத்தை மீட்டு போலீஸாா் விசாரணை நடத்தி வருகின்றனா்.

சேலம், குகை ராமலிங்க செளடேஸ்வரி தெருவைச் சோ்ந்தவா் ஆறுமுகம். இவா் அதே பகுதியில் பாழடைந்த வீட்டை விலைக்கு வாங்கி புதிதாக வீடு கட்டும் பணியை மேற்கொண்டு வருகிறாா்.

மண் சுவரால் கட்டப்பட்ட பழைய வீட்டை இடிக்கும் பணியில் தொழிலாளா்கள் புதன்கிழமை காலை ஈடுபட்டிருந்தனா். அப்போது கட்டட இடிபாடுகளிடையே இளைஞா் ஒருவா் சடலமாகக் கிடப்பது தெரியவந்தது.

இதைப் பாா்த்த தொழிலாளா்கள் செவ்வாய்ப்பேட்டை போலீஸாருக்கு தகவல் கொடுத்தனா். போலீஸாா் விரைந்து வந்து கட்டட இடிபாடுகளுக்கு இடையே கிடந்த இளைஞரின் சடலத்தை மீட்டு, சேலம் அரசு மருத்துவமனைக்கு அனுப்பி வைத்தனா்.விசாரணையில், உயிரிழந்து கிடந்த இளைஞா் அதே பகுதியைச் சோ்ந்த முருகன் மகன் ராஜேஷ்குமாா் (24) என்பது தெரியவந்தது.

சமையல் வேலைக்குச் சென்று வந்த ராஜேஷ்குமாா், நண்பா்களுக்கு இடையே ஏற்பட்ட தகராறில் கொலை செய்யப்பட்டாரா என்ற கோணத்தில் போலீஸாா் விசாரித்து வருகின்றனா். மேலும் அப்பகுதியில் உள்ள சிசிடிவி கேமராக்களில் பதிவான விடியோக்களை ஆய்வு செய்தும், விசாரணை நடந்து வருகிறது.