சேலத்தில் இன்று சிறப்பு காய்ச்சல் முகாம்

சேலம் மாநகராட்சியில் சனிக்கிழமை நடைபெறும் காய்ச்சல் கண்டறியும் சிறப்பு மருத்துவ முகாம்கள் குறித்த விவரங்களை வெளியிட்டுள்ளது.

சேலம் மாநகராட்சியில் கரோனா பரவல் தடுப்புப் பணிகள் தீவிரப்படுத்தப்பட்டுள்ளன. கரோனா தொற்று அறிகுறி உள்ளவா்களை வீடு வீடாகச் சென்று கண்டறிந்து அவா்களுக்கு தேவையான சிகிச்சைகளை வழங்கும் வகையில் நடவடிக்கைகள் மேற்கொள்ளப்பட்டு வருகிறது.

பாதிப்பு கண்டறியப்பட்ட பகுதிகளில் காய்ச்சல் கண்டறியும் சிறப்பு முகாம்கள் நடத்தப்பட்டு அப்பகுதியில் உள்ள அனைவரும் பரிசோதிக்கப்பட்டு வருகின்றனா். சேலத்தில் வெள்ளிக்கிழமை 49 பகுதிகளில் காய்ச்சல் கண்டறியும் முகாம்கள் நடத்தப்பட்டு 3,378 நபா்களுக்கு காய்ச்சல் பரிசோதனை செய்யப்பட்டுள்ளது.

மாநகராட்சிப் பகுதிகளில் சனிக்கிழமை காலை 10 மணி முதல் 12 மணி வரை அபிராமி காா்டன், ஸ்டேட் பேங்க் காலனி, ராஜாஜி தெரு, விநாயக காா்டன், தென் அழகாபுரம், என்.ஜி.ஜி.ஒ.காலனி, கோவிந்தன் தெரு, மேட்டு பிள்ளையாா் தெரு, வள்ளுவா் காலனி, அக்ரஹாரம், ஜோதி மெயின் ரோடு, பசுபதி குருநாதன் தெரு, திருச்சி மெயின் ரோடு, புட்டா மிசின் ரோடு, பந்தல் காளியம்மன் கோயில் தெரு, தாகூா் தெரு ஆகிய பகுதிகளில் காய்ச்சல் முகாம் நடைபெற உள்ளது.

அதேபோல பகல் 12 முதல் 2 மணி வரை ரெட்டியூா் ஓம்சக்தி நகா், அந்தோணிபுரம், மெய்யன் தெரு, பள்ளப்பட்டி மருத நாயகம் தெரு, சின்ன புதூா், திருநகா், சுப்ரமணியபுரம் அனெக்ஸ், செவ்வாய்ப்பேட்டை சையத் மதாா் தெரு, சக்தி நகா், முகமது புறா, பெரியாா் நகா், அண்ணா மருத்துவமனை கிருஷ்ணா நகா், குகை அம்பேத்கா் தெரு, மணியனூா் மெயின்ரோடு, சீரங்கன் 1 ஆவது குறுக்குத் தெரு, தாதகாப்பட்டி எஸ்.வி.ஆா்.காலனி ஆகிய பகுதிகளிலும் காய்ச்சல் கண்டறியும் முகாம்கள் நடைபெறும்.

மேலும் மாலை 3 மணி முதல் 5 மணி வரை சன்னதி தெரு, கபிலா் தெரு, சூரமங்கலம் மெயின்ரோடு, ரத்தினசாமிபுரம், சரஸ்வதி நகா், பிள்ளையாா் நகா், சின்ன புதூா், கோட்டை ஹபீப் தெரு, தில்லை நகா், திருநீலகண்டா் தெரு, தங்க செங்கோட்டையன் தெரு, குமரன் நகா், மூங்கப்பாடி நடுத்தெரு, ஸ்ரீ ராம் நகா், சாமியப்பா நகா் ஆகிய பகுதிகளிலும் காய்ச்சல் கண்டறியும் முகாம்கள் நடைபெறும்.

சேலம் மாநகராட்சிப் பகுதிகளில் தீவிர கரோனா தடுப்பு நடவடிக்கையாக நடைபெற்று வரும் காய்ச்சல் கண்டறியும் சிறப்பு மருத்துவ முகாம்களை, முகாம் நடைபெறும் பகுதிகளில் உள்ள பொதுமக்கள் முழுமையாகப் பயன்படுத்திக் கொள்ளலாம் என மாநகராட்சி ஆணையாளா் தா.கிறிஸ்துராஜ் தெரிவித்துள்ளாா்.