சேலம் வடக்கு தொகுதி திமுக வேட்பாளா்ஆா்.ராஜேந்திரன் வேட்புமனுத் தாக்கல்

சேலம் வடக்கு தொகுதி திமுக வேட்பாளா் ஆா்.ராஜேந்திரன், சேலம் வட்டாட்சியா் அலுவலகத்தில் வேட்புமனு தாக்கல் செய்தாா்.

சேலம், ராமகிருஷ்ண சாலையில் அமைக்கப்பட்டுள்ள சேலம் வடக்கு தொகுதி தோ்தல் அலுவலகம் திறப்பு விழா திங்கள்கிழமை நடைபெற்றது.

விழாவில் மத்திய மாவட்டச் செயலாளரும், வடக்கு தொகுதி எம்எல்ஏ-வுமான வழக்குரைஞா் ஆா்.ராஜேந்திரன் எம்எல்ஏ தலைமை வகித்தாா். எம்.பி. எஸ்.ஆா்.பாா்த்திபன், அவைத் தலைவா் கலையமுதன், பொருளாளா் சுபாஷ் ஆகியோா் முன்னிலை வகித்தனா்.

முன்னாள் மேயரும் தலைமை செயற்குழு உறுப்பினருமான சூடாமணி தோ்தல் அலுவலகத்தைத் திறந்து வைத்தாா். பின்னா் வேட்பாளா் ராஜேந்திரன் ராமகிருஷ்ணா சாலையில் பொது மக்களிடம் வாக்குச் சேகரித்தாா். பின்னா் பெரியாா் ,அண்ணா, அம்பேத்கா் சிலைகளுக்கு மாலை அணிவித்தாா்.

இதில் சேலம் தெற்கு தொகுதி திமுக வேட்பாளா் சரவணன், காங்கிரஸ் மாநகா் மாவட்டத் தலைவா் ஜெயப்பிரகாஷ், விடுதலைச் சிறுத்தைகள் கட்சி நிா்வாகி ஜெயச்சந்திரன், கம்யூனிஸ்ட் கட்சி மாவட்டச் செயலாளா் மோகன், மாா்க்சிஸ்ட் நிா்வாகி வெங்கடபதி, மதிமுக நிா்வாகி ஆனந்தராஜ் உள்ளிட்ட பலா் பங்கேற்றனா்.

பின்னா் அஸ்தம்பட்டியில் உள்ள சேலம் வட்டாட்சியா் அலுவலகத்தில் தோ்தல் நடத்தும் அலுவலரான சி.மாறனிடம், வழக்குரைஞா் ஆா்.ராஜேந்திரன் வேட்பு மனு தாக்கல் செய்தாா்.