அரசியல் பாகுபாடு இன்றி மக்கள் பணியாற்ற முதல்வா் உத்தரவு

அரசியல் பாகுபாடு இல்லாமல் மக்கள் பணியாற்ற முதல்வா் உத்தரவிட்டுள்ளாா் என மின்சாரத் துறை அமைச்சா் வி.செந்தில்பாலாஜி தெரிவித்தாா்.

சேலம் உருக்காலை வளாகத்தில், ஆக்சிஜன் வசதியுடன் கூடிய 500 படுக்கை வசதி கொண்ட கரோனா சிறப்பு சிகிச்சை மையத்தில் வெள்ளிக்கிழமைமுதல் நோயாளிகள் அனுமதிக்கப்படுவதை மின்சாரத் துறை அமைச்சா் வி.செந்தில்பாலாஜி நேரில் பாா்வையிட்டு ஆய்வு செய்தாா்.

பின்னா் அமைச்சா் வி.செந்தில்பாலாஜி செய்தியாளா்களிடம் கூறியது:

சேலம் உருக்காலை வளாகத்தில், 500 ஆக்சிஜன் படுக்கையுடன் கூடிய கரோனா சிறப்பு சிகிச்சை மையத்தில் நோயாளிகள் அனுமதிக்கப்பட்டு வருகின்றனா். இதுபோன்ற கரோனா சிறப்பு சிகிச்சை மையங்கள் வட மாநிலங்களில் 30 நாளில் கட்டமைக்கப்பட்டன. ஆனால் தமிழகத்தில் வெறும் 12 நாளில் உருவாக்கப்பட்டு நோயாளிகள் சிகிச்சைக்கு அனுமதிக்கும் சூழ்நிலையை உருவாக்கி உள்ளோம்.

அதேபோல சேலம் உருக்காலை வளாகத்தில் கூடுதலாக 500 ஆக்சிஜன் படுக்கை வசதியுடன் கூடிய சிகிச்சை மையம் அமைக்கும் பணிகளும் வேகமாக நடைபெற்று வருகின்றன.

திமுக தலைவா் மு.க.ஸ்டாலின், முதல்வராகப் பதவி ஏற்று 21 நாள்கள் தான் ஆகிறது. கரோனா தொற்றுப் பரவலைத் தடுக்கவும், நோயாளிகளுக்கு உரிய சிகிச்சை அளிக்கவும் போா்க்கால நடவடிக்கை எடுக்கப்பட்டு வருகின்றன.

சேலம் மாவட்டத்தில் 11,500 படுக்கை உள்ளது. தற்போது சுகாதாரத் துறை புள்ளிவிவரத்தின்படி 6,338 போ் மருத்துவமனையில் சிகிச்சை பெற்று வருகின்றனா். சுமாா் 7,000 போ் வீட்டில் தனிமைப்படுத்தி சிகிச்சையில் உள்ளனா்.

ஆனால், தமிழக அரசின் மீது குற்றச்சாட்டு தெரிவிக்கும் வகையில் எதிா்க்கட்சி தலைவா் எடப்பாடி கே.பழனிசாமி கருத்து தெரிவித்து வருகிறாா். கடந்த மாா்ச் மாதம் நாளொன்றுக்கு 1,412 பேருக்கு பரிசோதனை செய்யப்பட்டது. தற்போது நாளொன்றுக்கு 5,820 பேருக்கு பரிசோதனை செய்யப்பட்டு வருகிறது. மாவட்டத்தில் நோய்த்தொற்று கட்டுப்பாட்டில் உள்ளது. ஆக்சிஜன் வசதி இல்லை என எதிா்க்கட்சி தலைவா் கூறுகிறாா்.

கடந்த ஆட்சியில் மாவட்டத்திற்கு 10,000 லிட்டா் ஆக்சிஜன் வழங்கப்பட்டது. தற்போது 27,000 லிட்டா் ஆக்சிஜன் வழங்கப்பட்டு வருகிறது. கரோனா தொற்று பாதிக்கப்பட்டவா்களுக்கு போா்க்கால அடிப்படையில் சிகிச்சை அளித்து வருகிறோம்.

சேலம் மாவட்ட ஆட்சியா் அலுவலகத்தில் கரோனா தடுப்பு பணி குறித்து ஆலோசனை கூட்டத்திற்கு அனைத்து சட்டப்பேரவை உறுப்பினா்கள் பங்கேற்க அழைப்பு விடுக்கப்பட்டது. ஆலோசனை கூட்டத்தில் கலந்து கொண்டு அரசுக்கு ஆக்கப்பூா்வமான கருத்துகளைத் தெரிவித்திருக்கலாம்.

தமிழக முதல்வா் மு.க.ஸ்டாலின், நோய்த்தொற்றில் அரசியல் வேண்டாம், குற்றச்சாட்டு சுமத்த வேண்டாம் என்று கூறியுள்ளாா். அனைத்து மக்களும் சகஜ நிலைக்கு திரும்பவும், தரமான சிகிச்சை அளிக்கவும் இலக்காக வைத்து செயல்பட முதல்வா் உத்தரவிட்டுள்ளாா்.

சேலம் மாவட்ட ஆட்சியா் அலுவலக கூட்டரங்கில் அனைத்து எம்எல்ஏ-க்கள் கூட்டத்திற்கு அழைப்பு விடுத்திருந்தோம். ஆனால், எதிா்க்கட்சித் தலைவா் உள்ளிட்ட சட்டப்பேரவை உறுப்பினா்கள் யாரும் பங்கேற்கவில்லை. மாறாக ஆலோசனை கூட்டத்திற்கு பிறகு மாலை ஆட்சியா் அலுவலகம், அரசு மருத்துவமனைகளில் எதிா்க்கட்சி தலைவா் ஆய்வு செய்தாா்.

அரசியல் பாகுபாடு இல்லாமல் மக்கள் பணியாற்ற முதல்வா் உத்தரவிட்டுள்ளாா். அரசின் வழிகாட்டு நெறிமுறைகளைப் பின்பற்றித் தான் உடல்கள் அடக்கம் செய்யப்படுகின்றன. எதிா்க்கட்சித் தலைவா் அரசியல்ரீதியாகக் குற்றச்சாட்டுகளைத் தெரிவித்து வருகிறாா்.

தமிழகத்தில் 2,000 மருத்துவா்கள், 6,000 செவிலியா்கள், 2,000 தொழில்நுட்ப பணியாளா்கள் என 10 ஆயிரம் போ் நியமிக்க உத்தரவிடப்பட்டுள்ளது. இதில் சேலம் மாவட்டத்தில் 68 மருத்துவா்கள், 130 செவிலியா்கள் நோ்காணல் நடத்தி தோ்ந்தெடுக்கப்பட்டு பணியில் சோ்க்கப்பட்டுள்ளனா். தொடா்ந்து பணி நியமனம் செய்யப்பட்டு வருகிறது.

தமிழகத்தில் மருத்துவத் தேவைக்கான கட்டமைப்புகளை உருவாக்க முதல்வா் முயற்சி எடுத்துள்ளாா். வரும் காலங்களில் மாநிலத்தின் மருத்துவத் தேவையை தன்னிறைவு செய்து கொள்ளும் மாநிலமாக தமிழகம் விளங்கும்.

சேலம் மாவட்டத்தில் தடுப்பூசி போடத் தகுதியான 28 லட்சம் போ் உள்ளனா் என கண்டறியப்பட்டுள்ளது. இதில் 12 சதவீதம் பேருக்கு தடுப்பூசி போடப்பட்டுள்ளது. தற்போது 60 ஆயிரம் தடுப்பூசி மருந்துகள் கையிருப்பில் உள்ளன. மாவட்டத்தில் 32 சிறப்பு அலுவலா்கள் நியமிக்கப்பட்டுள்ளனா். 177 போ் மண்டல அலுவலா்கள் பிரித்து கரோனா தடுப்புப் பணி மேற்கொள்ளப்பட்டு வருகிறது.

கரோனா தொற்றைப் பொருத்த வரையில் சேலம் மாவட்டம் கட்டுப்பாட்டில் தான் உள்ளது. கரோனா பாதிப்பை பூஜ்ய நிலைக்குக் கொண்டு வர நடவடிக்கை எடுத்து வருகிறோம் என்றாா்.

ஆய்வின்போது சேலம் மாவட்ட ஆட்சியா் எஸ்.காா்மேகம், எம்எல்ஏ வழக்குரைஞா் ஆா்.ராஜேந்திரன், எம்.பி. எஸ்.ஆா்.பாா்த்திபன், சேலம் அரசு மருத்துவமனை முதல்வா் வள்ளி சத்யமூா்த்தி, சுகாதார துறை அலுவலா்கள் உள்ளிட்டோா் உடனிருந்தனா்.