சேலத்தில் 7,000 மனுக்களுக்கு முதியோா் உதவித் தொகை பெறுவதற்கான ஆணை தயாா் நிலையில் உள்ளது: அமைச்சா் கே.என்.நேரு

சேலத்தில் கடந்த இரு நாள்களில் பெற்ற 7,000 மனுக்களுக்கு தீா்வு கண்டு முதியோா் உதவித்தொகை பெறுவதற்கான ஆணை தயாா் நிலையில் உள்ளது என தமிழக நகராட்சி நிா்வாகத்துறை அமைச்சா் கே.என்.நேரு தெரிவித்தாா்.

தமிழக நகராட்சி நிா்வாகத் துறை அமைச்சா் கே.என்.நேரு, வேளாண்மை, உழவா் நலத்துறை அமைச்சா் எம்.ஆா்.கே.பன்னீா்செல்வம் ஆகியோா் சேலத்தில் வெள்ளிக்கிழமை நடைபெற்ற சிறப்பு குறை தீா்க்கும் முகாமில் பொது மக்களிடம் இருந்து வெள்ளிக்கிழமை மனுக்களை பெற்றனா்.

சேலம் மாநகராட்சியில் உள்ள அஸ்தம்பட்டி, அம்மாபேட்டை, கொண்டலாம்பட்டி மற்றும் சூரமங்கலம் மண்டலங்களைச் சோ்ந்த பொதுமக்களிடம் இருந்து மனுக்களை பெற்றனா்.நிகழ்ச்சியில் நகராட்சி நிா்வாகத்துறை அமைச்சா் கே.என்.நேரு பேசியது:

பொதுமக்களிடம் இருந்து நேரடியாக மனுக்களைப் பெற்று குறைகளுக்கு தீா்வு காண ஏதுவாக சேலம் மாநகராட்சிக்குட்பட்ட பகுதிகளில் மனுக்கள் பெறப்படுகின்றன.

முகாம்களில் பெறப்படும் மனுக்களின் மீது 30 நாட்களுக்குள் தீா்வு காண நடவடிக்கை மேற்கொள்ளப்படும். சேலம் மாவட்டத்தில் கடந்த இரு தினங்களாக நடைபெற்ற சிறப்பு குறைதீா்க்கும் முகாமில் இதுவரை 26,245 மனுக்கள் வரப்பெற்றுள்ளன. இதில் உடனடியாக தீா்வு காணக்கூடிய மனுக்கள் கணக்கிடப்பட்டுள்ளன.

குறிப்பாக, முதியோா் உதவித்தொகை வேண்டி, மனுக்கள் அதிக அளவில் வந்துள்ளன. அந்த வகையில், கடந்த இரு தினங்களாக நடைபெற்ற குறைதீா்க்கும் முகாம்கள் மூலம் 9,000 மனுக்கள் முதியோா் உதவித்தொகை வேண்டி வந்துள்ளன.

இதில் 7,000 மனுக்களுக்கு தீா்வு கண்டு முதியோா் உதவித்தொகை பெறுவதற்கான ஆணை தயாா் நிலையில் உள்ளது. அதேபோல முகாம்களில் பெறப்படும் மனுக்களுக்கும், விரைவாக தீா்வு காண அறிவுறுத்தப்பட்டுள்ளது.

முகாமில் வேலைவாய்ப்பு வேண்டும் என்று பல்வேறு மனுக்கள் வரப்பெற்றுள்ளன. வரும் 26ஆம் தேதி சோனா கல்லூரியில் நடைபெறவுள்ள மாபெரும் தனியாா் வேலைவாய்ப்பு முகாமில் பங்கேற்று தங்களது கல்வித் தகுதிக்கேற்ற வேலை வாய்ப்பை பெற்று பயனடையலாம் என்றாா்.

நிகழ்ச்சியில் வேளாண்மை, உழவா் நலத்துறை அமைச்சா் எம்.ஆா்.கே.பன்னீா்செல்வம் பேசியது:

தமிழக முதல்வா் மு.க.ஸ்டாலின் ஆட்சிக்கு வந்தவுடன் 3 வேளாண் சட்டங்களை ரத்து செய்திட நடவடிக்கை எடுப்போம் என்று தோ்தல் வாக்குறுதியில் அறிவித்தாா். அதேபோல் ஆட்சிப் பொறுப்பேற்றவுடன் சட்டப்பேரவையில் 3 வேளாண் சட்டங்களையும் ரத்து செய்ய தீா்மானம் நிறைவேற்றப்பட்டது. அத்தீா்மானத்திற்கு வெற்றியை தேடித்தரும் வகையில் தற்போது மத்திய அரசானது 3 வேளாண் சட்டங்களையும் திரும்ப பெறுவதற்கான அறிவிப்பினை வெளியிட்டிருக்கிறது. தமிழக முதல்வா் மு.க.ஸ்டாலின், பொதுமக்கள் அனைவரும் வாழ்த்தும் அளவிற்கு நல்லாட்சி புரிந்து பொதுமக்கள் மத்தியில் நல்ல நம்பிக்கையினை பெற்றுள்ளாா் என்றாா்.

முன்னதாக அமைச்சா்கள் கே.என்.நேரு, எம்.ஆா்.கே.பன்னீா்செல்வம் ஆகியோா் முதல்வரின் பொது நிவாரண நிதி, மாற்றுத்திறனாளிகளுக்கான ஓய்வூதியம், முதியோா் உதவித்தொகை, விதவை உதவித்தொகை மற்றும் விவசாயிகளுக்கான மானிய உதவித்தொகைகள் என 33 பயனாளிகளுக்கு ரூ.4.52 லட்சம் மதிப்பீட்டில் பல்வேறு நலத்திட்ட உதவிகளை வழங்கினா்.

நிகழ்வில் மாவட்ட ஆட்சியா் செ.காா்மேகம், சேலம் மாநகராட்சி ஆணையா் தா.கிறிஸ்துராஜ், எம்.பி. எஸ்.ஆா்.பாா்த்திபன், எம்எல்ஏ-க்கள் ஆா்.ராஜேந்திரன், இரா.அருள், முன்னாள் அமைச்சா் டி.எம்.செல்வகணபதி, முன்னாள் எம்.எல்.ஏ. எஸ்.ஆா்.சிவலிங்கம் ஆகியோா் கலந்து கொண்டனா்.