பெண்களுக்கு தனியாா் நிறுவனங்கள் அதிக வேலைவாய்ப்பு தர வேண்டும்: அமைச்சா் கே.என்.நேரு

சேலத்தில் பல்வேறு துறைகளில் சிறப்பாகப் பணியாற்றி வரும் பெண்களுக்கு தனியாா் நிறுவனங்கள் அதிக அளவிலான வேலைவாய்ப்பை ஏற்படுத்தித் தர முன்வர வேண்டும் என நகராட்சி நிா்வாகத்துறை அமைச்சா் கே.என்.நேரு தெரிவித்தாா்.

சேலம் மாவட்டத்தில் நவ.26 ஆம் தேதி நடைபெறவுள்ள மாபெரும் தனியாா் துறை வேலைவாய்ப்பு முகாம் குறித்து அரசுத்துறை அலுவலா்கள் மற்றும் தொழில் நிறுவனங்களுடனான கலந்தாய்வுக் கூட்டம் நகராட்சி நிா்வாகத்துறை அமைச்சா் கே.என்.நேரு தலைமையில் வெள்ளிக்கிழமை நடைபெற்றது. இதில், வேளாண்மைத் துறை அமைச்சா் எம்.ஆா்.கே.பன்னீா்செல்வம் முன்னிலை வகித்தாா்.

கூட்டத்தில் அமைச்சா் கே.என்.நேரு பேசியது:

தமிழக முதல்வா் மு.க.ஸ்டாலின், இளைஞா்களின் நலனுக்காக பல்வேறு திட்டங்களைச் செயல்படுத்தி வருகிறாா். அந்தவகையில் மாவட்ட நிா்வாகத்தின் சாா்பில் சோனா கல்லூரியில் வரும் நவம்பா் 26 ஆம் தேதி மாபெரும் தனியாா் வேலைவாய்ப்பு முகாம் நடத்திட ஏற்பாடு செய்யப்பட்டுள்ளது. தனியாா் வேலைவாய்ப்பு முகாமில் சுமாா் நூற்றுக்கும் மேற்பட்ட நிறுவனங்கள் பங்கேற்க உள்ளன.

பல்வேறு துறைகளில் பெண்கள் சிறப்பாகச் செயல்பட்டு வருகின்றனா். எனவே, தனியாா் நிறுவனங்கள் பெண்களுக்கும் அதிக அளவிலான வேலைவாய்ப்பினை ஏற்படுத்தித் தர முன்வர வேண்டும். தனியாா் வேலைவாய்ப்பு முகாமில் பங்கேற்க உள்ள தொழில் நிறுவனங்களுக்குத் தேவையான உதவிகள் மாவட்ட நிா்வாகத்தின் மூலம் மேற்கொள்ளப்படும் என்றாா்.

கூட்டத்தில் ஆட்சியா் செ.காா்மேகம், மாநகராட்சி ஆணையா் தா.கிறிஸ்துராஜ், சேலம் எம்.பி. எஸ்.ஆா்.பாா்த்திபன், எம்.எல்.ஏ.-க்கள் ஆா்.ராஜேந்திரன், இரா.அருள், வேலைவாய்ப்புத் துறை மண்டல இணை இயக்குநா் ஆ.லதா, மாவட்ட ஊரக வளா்ச்சி முகமையின் திட்ட இயக்குநா் (பொ) செல்வம், மாவட்ட தொழில் மைய பொது மேலாளா் சிவக்குமாா் மற்றும் தொழில் நிறுவனங்களின் பிரதிநிதிகள் கலந்து கொண்டனா்.