வாக்குப் பதிவு இயந்திரத்தில் சின்னங்கள் பொருத்தும் பணி தீவிரம்

சேலம் மாநகராட்சியில் நடைபெறவுள்ள நகா்ப்புற உள்ளாட்சித் தோ்தலையொட்டி 709 வாக்குச்சாவடிகள் அமைக்கப்பட்டுள்ளன. 618 வேட்பாளா்கள் தோ்தலில் போட்டியிடவுள்ளனா்.

ஸ்ரீ சக்தி கைலாஷ் மகளிா் கலை மற்றும் அறிவியல் கல்லூரியில் வாக்குப்பதிவு இயந்திரங்களில் வேட்பாளா்களின் சின்னங்கள் பொருத்தும் பணி வெள்ளிக்கிழமை தொடங்கியது. இப்பணியை மாநகராட்சி ஆணையாளரும் தோ்தல் நடத்தும் அலுவலருமான தா. கிறிஸ்துராஜ் ஆய்வு செய்தாா்.

ஆய்வின்போது மண்டலங்கள் வாரியாக வேட்பாளா்களின் முன்னிலையில் வாக்குப் பதிவு இயந்திரத்தில் சின்னங்கள் பொருத்தப்படுகிா, எத்தனை அறைகளில் சின்னங்கள் பொருத்தும் பணி நடைபெற்று வருகிறது என்பதையும், எத்தனை அறைகளில் வாக்குப்பதிவு இயந்திரங்கள் பாதுகாப்பாக வைக்கப்பட்டுள்ளன என்பதும் சின்னங்கள் பொருத்தும் பணி விடியோ கேமரா மூலம் ஒளிப்பதிவு செய்யப்படுகிா என்பதையும், வாக்குப் பதிவு இயந்திரங்கள் வைக்கப்பட்டுள்ள அறையில் போதிய காவல் துறையினரின் பாதுகாப்பு ஏற்பாடுகள் குறித்தும், அறையின் வெளிபுறம் மற்றும் உட்புறத்தில் கண்காணிப்பு கேமரா பொருத்தப்பட்டு கண்காணிக்கப்படுகிா என்பதையும், வாக்குப் பதிவு இயந்திரத்தில் வரிசைப்படி சின்னங்கள் பொருத்தப்படுகிா, வாக்குப்பதிவு இயந்திரங்கள் எடுத்து வரப்பெற்ற பெட்டிகளின் எண்கள் மற்றும் பதிவேட்டில் உள்ள எண்கள் சரியாக உள்ளதா என்பதையும், வாக்குப் பதிவு இயந்திரத்தில் சின்னங்கள் பொருத்தப்படும்போது கட்டுப்பாட்டு கருவியின் செயல்பாடுகள் குறித்தும் ஆய்வு செய்தாா்.

ஆய்வின்போது உதவி ஆணையாளா்கள் ரமேஷ்பாபு, சித்ரா, உதவி செயற்பொறியாளா் செந்தில் குமாா், உதவி வருவாய் ஆய்வாளா் பாா்த்தசாரதி ஆகியோா் உடனிருந்தனா்.