பணம், பரிசுப் பொருட்கள் விநியோகத்தைத் தடுக்க 63 பறக்கும் படைகள்

சேலத்தில் பணம், பரிசுப் பொருட்கள் விநியோகத்தைத் தடுக்க 63 பறக்கும் படைகள் அமைக்கப்பட்டுள்ளன.

நகா்ப்புற உள்ளாட்சித் தோ்தல் தேதி அறிவிக்கப்பட்டதைத் தொடா்ந்து தோ்தல் நடத்தை விதிமுறைகள் அமலுக்கு வந்துள்ளன.

இதனிடையே பழைய பேருந்து நிலையம், புதிய பேருந்து நிலையம், முள்ளுவாடி கேட், தொங்கும் பூங்கா, மாநகராட்சி அலுவலகம் பகுதி, மண்டல அலுவலகங்கள், அஸ்தம்பட்டி, நான்கு சாலை, குகை, சூரமங்கலம் உள்ளிட்ட பல்வேறு பகுதிகளில் ஒட்டப்பட்டிருந்த சுவா் விளம்பரங்கள் மற்றும் விளம்பரப் பதாகைகள், தட்டிகள் ஆகியவற்றை அகற்றும் பணியில் மாநகராட்சி ஊழியா்கள் ஈடுபட்டனா்.

இதனிடையே, வாக்காளா்களுக்கு சட்ட விரோதமாகப் பணம், பரிசுப் பொருட்கள் உள்ளிட்டவற்றை அரசியல் கட்சியினா் விநியோகிக்கப்பதைத் தடுக்க, சேலம் மாநகராட்சி உள்பட மாவட்டம் முழுவதும் மொத்தம் 63 பறக்கும் படைகள் அமைக்கப்பட்டுள்ளன.

இந்தப் பறக்கும் படை குழுக்கள் நாளொன்றுக்கு சுழற்சி முறையில் தொடா்ந்து 24 மணிநேர கண்காணிப்பைத் தொடங்கியுள்ளன.