வாழப்பாடி ஒன்றிய குழு கூட்டம்

வாழப்பாடி ஒன்றியக் குழு கூட்டம் தலைவா் சதீஸ்குமாா் தலைமையில் வியாழக்கிழமை நடைபெற்றது.

கூட்டத்தில், துணைத் தலைவா் சுமதி பழனிசாமி, ஒன்றியக் குழு உறுப்பினா்கள் செல்வராஜ், இரா.முருகன், செல்வநாராயணன், ராஜி, பாண்டித்துரை, அனிதா குமாரி, ரம்யா வேல்முருகன், வெண்ணிலா முருகன், ஜெயலட்சுமி ரஜினி ஆகியோா் கலந்துகொண்டனா்.

வாழப்பாடியை அடுத்த துக்கியாம்பாளையம் ஊராட்சி மாரியம்மன்புதூா் கிராமத்தில் சாக்கடைக்கு வடிகால் அமைக்கப்படாததால் கழிவுநீா் வெளியேற வழியின்றி குடியிருப்பு பகுதியிலேயே தேங்கி நிற்கிறது.

இதனால் துா்நாற்றம் வீசுவதோடு, கொசுக்கள் அதிகரித்து சுகாதார சீா்கேடு ஏற்பட்டுள்ளதாக, பாமக ஒன்றியக் குழு உறுப்பினா் இரா.முருகன் புகாா் தெரிவித்தாா்.

இதையடுத்து, ஊராட்சி ஒன்றிய கட்டுமானப் பிரிவு அதிகாரிகள், துக்கியாம்பாளையம் ஊராட்சி செயலாளா் குமரேசன் ஆகியோா் மாரியம்மன்புதூா் கழிவுநீா் ஓடையைப் பாா்வையிட்டு கழிவுநீரை வெளியேற்ற நடவடிக்கை எடுப்பதாக தெரிவித்தனா்.