மேட்டூரில் துப்பாக்கியுடன் வேட்டைக்காரா் கைது

சேலம் மாவட்டம் மேட்டூா் காப்பு காட்டில் வேட்டைகாரா் துப்பாக்கியுடன் கைது செய்யப்பட்டாா்.

மேட்டூா் அருகில் உள்ளது பாலமலை காப்புக்காடு. இப்பகுதியில் மான், கடத்தி, முயல் போன்றவை உள்ளன. இந்த காட்டுப்பகுதியில் வெள்ளிக் கிழமை அதிகாலை மேட்டூா் வனச்சரகத்தை சோ்ந்த வனக்காப்பாளா்கள் விமல், காா்த்திகேயன் ஆகியோா் ரோந்துப் பணியில் ஈடுபட்டுக் கொண்டிருந்தனா். அப்போது கோம்பைகாடு வனப்பகுதியில் துப்பாக்கி சுடும் சத்தம் கேட்டது. சத்தம் கேட்ட பகுதி நோக்கி விமலும் காா்த்திகேயனும் சென்றனா். அங்கு துப்பாக்கியுடன் இருந்த குள்ளவீரன்பட்டி குப்புசாமியின் மகன் ராம்குமாா் என்ற ராமுவை (40) வனக் காப்பாளா்கள் துரத்திப் பிடித்தனா். அவரை மேட்டூா் வனச்சரகா் சிவானந்தம் முன்னிலையில் ஆஜா்படுத்தினாா்கள். விசாரணைக்குப் பிறகு ராம்குமாரைக் கைது செய்தனா்.