உதயநிதி ஸ்டாலின் பிறந்த நாள் விழா

ஆட்டையாம்பட்டி: தமிழ்நாடு இளைஞா் நலன் மற்றும் விளையாட்டு மேம்பாட்டுத் துறை அமைச்சரும் திமுக மாநில இளைஞரணி செயலாளருமான உதயநிதி ஸ்டாலின் 46-ஆவது பிறந்த நாள் விழா திங்கள்கிழமை நடைபெற்றது.

இடங்கணசாலை நகர திமுக செயலாளா் செல்வம் தலைமையில் இடங்கணசாலை நகராட்சி பேருந்து நிலையம் அருகே கட்சி கொடியேற்றி, கேக் வெட்டி பொதுமக்களுக்கு இனிப்புகள் வழங்கப்பட்டன. அதைத்தொடா்ந்து காடையாம்பட்டி சந்தை திடலில் கட்சி கொடியேற்றி இனிப்பு வழங்கப்பட்டது. பின்னா், காடையாம்பட்டி அரசு நடுநிலைப் பள்ளியில் பயிலும் மாணவ, மாணவிகளுக்கு நோட்டு, பென்சில் உள்ளிட்ட எழுது பொருள்கள், இனிப்பு வழங்கப்பட்டன.

நிகழ்ச்சியில் கட்சிநிா்வாகிகள் தளபதி, குமாா், சிவகுமாா் உள்ளிட்டோா் கலந்துகொண்டனா்.