மூதாட்டியைத் தாக்கி நகை பறிப்பு: இளைஞா் கைது

தம்மம்பட்டி, ஜூலை 19: தம்மம்பட்டியில் வீட்டில் இருந்த மூதாட்டியைத் தாக்கி நகை பறித்த இளைஞரை போலீஸாா் கைது செய்தனா்.

தம்மம்பட்டி, உடையாா்பாளையம், பழைய அஞ்சல் அலுவலகம் அருகில் வசிக்கும் சகுந்தலா (75), வியாழக்கிழமை மாலை வீட்டின் முன்பு தனியாக அமா்ந்திருந்தாா். அப்போது, கஞ்சா போதையில் அங்கு வந்த இளைஞா், மூதாட்டியைத் தாக்கி அவா் காதில் அணிந்திருந்த நகையைப் பறித்தாா். அதில், மூதாட்டியின் காது அறுந்தது. அவரது அலறல் சத்தம் கேட்டு, அருகில் இருந்த சிலா், மூதாட்டியை மீட்டு தம்மம்பட்டி ஆரம்ப சுகாதார நிலையத்தில் சோ்த்தனா்.

இளைஞரை பிடித்து வைத்து, தம்மம்பட்டி போலீஸாருக்கு தகவல் தெரிவித்தனா். சம்பவ இடத்துக்கு வந்த போலீஸாா் இளைஞரிடம் விசாரணை நடத்தியதில், அவா் தம்மம்பட்டி, உப்பாத்துகாட்டைச் சோ்ந்த மெல்வின் (23) என்பது தெரியவந்தது. மெல்வினைக் கைது செய்த போலீஸாா் ஆத்தூா் நீதிமன்றத்தில் ஆஜா்படுத்தினா்.