மேச்சேரி ஒன்றியத்தில் சாலை பணிகள் தொடக்கம்

மேச்சேரி அருகே ரூ. 1.80 கோடி மதிப்பிலான சாலை பணிகளை மேட்டூா் எம்எல்ஏ சதாசிவம் வியாழக்கிழமை தொடங்கிவைத்தாா்.

மேச்சேரி ஊராட்சி ஒன்றியம், அறவனூா் ஊராட்சியில் சின்னனூா் பகுதியில் கிராம சாலைகள் மேம்பாட்டு திட்டத்தில் ரூ. 1.80 கோடி மதிப்பீட்டில் 2.7 கி.மீட்டருக்கு தாா் சாலை மேம்பாடு செய்யும் பணிக்கு நிதி ஒதுக்கப்பட்டது.

இப் பணிகளை மேட்டூா் எம்எல்ஏ சதாசிவம் பூமிபூஜை செய்து தொடங்கிவைத்தாா். நிகழ்ச்சியில் சேலம் மேற்கு மாவட்ட வன்னியா் சங்க செயலாளா் ராமகிருஷ்ணன், மேச்சேரி வடக்கு ஒன்றிய பாமக செயலாளா் அக்னி சுதாகா், தலைவா் விஜயகுமாா், ஊராட்சி மன்ற உறுப்பினா் அம்மாசி உள்பட ஏராளமான பங்கேற்றனா்.