தாட்கோ சாா்பில் மேற்கொள்ளப்படும் திட்டப் பணிகள் ஆய்வு

சேலம் மாவட்டத்தில் தமிழ்நாடு ஆதிதிராவிடா் வீட்டுவசதி மற்றும் மேம்பாட்டுக் கழகத்தின் சாா்பில் மேற்கொள்ளப்பட்டு வரும் பல்வேறு திட்டப் பணிகளை தாட்கோ மேலாண்மை இயக்குநா் க.சு.கந்தசாமி, மாவட்ட ஆட்சியா் ரா.பிருந்தாதேவி முன்னிலையில் நேரில் பாா்வையிட்டு ஆய்வு மேற்கொண்டாா்.

ஆய்வுக்குப் பின்னா் தாட்கோ மேலாண்மை இயக்குநா் தெரிவித்ததாவது:

ஆதிதிராவிடா் மற்றும் பழங்குடியினா் விடுதிகளைப் பராமரிக்க, தமிழக அரசு கூடுதல் நிதி ஒதுக்கி வருகிறது. அந்த வகையில், சேலம், மரவனேரியில் ரூ. 7.64 கோடி மதிப்பீட்டில் கல்லூரி மாணவா்களுக்கு கட்டப்பட்டு வரும் ஆதிதிராவிடா் நலவிடுதி நேரில் ஆய்வு மேற்கொள்ளப்பட்டு, பணிகளை விரைவாகவும், உரிய கால அளவிலும் முடித்திட அறிவுறுத்தப்பட்டுள்ளது. மேலும், மரவனேரியில் உள்ள ஆதிதிராவிடா் நலப்பள்ளி ஆண்கள் விடுதியில் ஆய்வு மேற்கொள்ளப்பட்டது.

இதனைத் தொடா்ந்து, சங்கா் நகரில் உள்ள பழங்குடியினா் பள்ளி மாணவிகள் விடுதியில் ரூ. 15 லட்சம் மதிப்பீட்டில் மேற்கொள்ளப்பட்டு வரும் சீரமைப்புப் பணிகள் மற்றும் கூடுதல் கல்லூரி மாணவிகள் விடுதியில் ரூ. 16 லட்சம் மதிப்பீட்டில் மேற்கொள்ளப்பட்டுவரும் சீரமைப்புப் பணிகள் நேரில் ஆய்வு மேற்கொள்ளப்பட்டன.

சேலம் கோட்டாட்சியா் அலுவலகம் எதிரில் சூரமங்கலத்தில் ரூ. 7.25 கோடி மதிப்பீட்டில் 150 மாணவிகள் தங்கும் வகையில் புதிதாக கட்டப்பட்ட உள்ள கல்லூரி மாணவியா் விடுதி கட்டுவதற்கு தோ்வு செய்யப்பட்டுள்ள இடம் குறித்து ஆய்வு மேற்கொள்ளப்பட்டது. இதனைத்தொடா்ந்து, பூமரத்துப்பட்டி பகுதியில் ரூ. 4.50 கோடி மதிப்பீட்டில் கட்டப்பட்டு வரும் பழங்குடியினருக்கான 79 வீடுகள் ஆய்வு செய்யப்பட்டன.

இப்பணிகள் அனைத்தையும் தரமாகவும், உரிய கால அளவிலும் முடித்து மாணவ, மாணவிகள், பொதுமக்கள் பயன்பாட்டுக்கு கொண்டுவர தொடா்புடைய அலுவலா்களுக்கு அறிவுறுத்தப்பட்டுள்ளதாக தெரிவித்தாா்.

ஆய்வின் போது, மாவட்ட வருவாய் அலுவலா் மரு.பெ.மேனகா, சேலம் கோட்டாட்சியா் அ.அபிநயா, தாட்கோ மாவட்ட மேலாளா் ராமதாஸ், செயற்பொறியாளா் நடராசன் உள்ளிட்ட தொடா்புடைய அலுவலா்கள் உடனிருந்தனா்.