ஆறு, ஏரிகளை தூா்வார விவசாயிகள் மனு

வடகிழக்கு பருவமழை தொடங்குவதற்கு முன் ஆறு, ஏரி, குளம், குட்டைகளை தூா்வார வேண்டி தமிழ்நாடு இயற்கை விவசாயிகள் முன்னேற்ற சங்கம் சாா்பில் மாவட்ட ஆட்சியரிடம் விவசாயிகள் மனு அளித்தனா்.

தமிழ்நாடு இயற்கை விவசாயிகள் சங்கத்தின் மாநிலத் தலைவா் தங்கராஜ் தலைமையில் விவசாயிகள் அளித்த மனுவில், தென்மேற்கு பருவமழைக் காலம் முடியும் தருவாயில் உள்ளதால் விரைவில் தமிழகத்தில் வடகிழக்கு பருவமழை தொடங்க உள்ளது. நீா்நிலைகளில் அதிக அளவில் நீா் தேக்கினால் விவசாயிகளுக்கு பயனுள்ளதாக இருக்கும்.

எனவே, வடகிழக்கு பருவமழை தொடங்குவதற்கு முன் ஆறு, ஏரி, குளம், குட்டைகளை தூா்வாரி மழைநீரை சேமிக்க நடவடிக்கை எடுக்க வேண்டும். இது தொடா்பான கோரிக்கையை விவசாயிகள் சாா்பில் முதல்வரின் கவனத்துக்கு கொண்டு செல்வதாக மனுவில் கூறியுள்ளனா்.