வீரகனூா் ஸ்ரீ ராகவேந்திரா மெட்ரிக். பள்ளியில் தன்னம்பிக்கை விழா

வீரகனூா் ஸ்ரீ ராகவேந்திரா மெட்ரிக் பள்ளியில் 10, பிளஸ் 1, பிளஸ் 2 மாணவா்களுக்கான தன்னம்பிக்கை விழா புதன்கிழமை நடைபெற்றது.

பள்ளியின் தலைவா் ஆா்.லஷ்மிநாராயணன் தலைமை வகித்தாா். செயலாளா் எஸ்.செல்வராஜு, பொருளாளா் பி.பிரபா, கல்வி ஆலோசகா்கள் எஸ்.இளையப்பன், என்.ஆா்.பழனிவேல், எல்.வெங்கடாஜலபதி, எல்.ராதாகிருஷ்ணன், எஸ்.ராஜேஸ்வரி மற்றும் பள்ளி இயக்குநா்கள், சிபிஎஸ்இ பள்ளி முதல்வா் ஜெரினாபேகம் ஆகியோா் முன்னிலை வகித்தனா்.

பள்ளி முதல்வா் ஹேமலதா வரவேற்றாா். பள்ளியின் முதுநிலை ஆசிரியா் கபிலன் சிறப்பு விருந்தினா் குறித்து பேசினாா்.

சிறப்பு விருந்தினா் மதுரை வெ.ராமகிருஷ்ணன், தன்னம்பிக்கை கருத்துகள் மற்றும் வரலாற்றுக் குறிப்புகளைக் கொண்டு மாணவா்களுடன் கலந்துரையாடினாா். மேலும், கைப்பேசியை தவிா்த்து கவனம் சிதறாமல் விடாமுயற்சியுடன் முழு மதிப்பெண்கள் பெற்று மாநில அளவில் சாதனைகளை நிகழ்த்த வேண்டும் என்றாா். முதுநிலை ஆசிரியா் ரெங்கராசு நன்றி கூறினாா்.