வீட்டின் பூட்டை உடைத்து 39 பவுன் நகை திருட்டு

ஆத்தூரில் வீட்டின் பூட்டை உடைத்து 39 பவுன் நகை திருட்டு போனது குறித்து போலீஸாா் விசாரித்து வருகின்றனா்.

ஆத்தூா் அருகே உள்ள புத்திரகவுண்டம்பாளையம் நடுத்தெருவைச் சோ்ந்தவா் சேனாதிபதி. இவா் சேலத்தில் கூட்டுறவுத் துறையில் துணைப் பதிவாளராக பணியாற்றி வருகிறாா். இவரது மனைவி சபிநாகுமாரி மகாராஷ்டிரத்தில் ரயில்வே துறையில் அதிகாரியாக பணியாற்றி வருகிறாா். வீட்டில் சேனாதிபதி மட்டும் தனியாக வசித்து வருகிறாா்.

வேலை விஷயமாக செவ்வாய்க்கிழமை இரவு சேனாதிபதி சென்னை புறப்பட்டுச் சென்றாா். அப்போது, வீட்டின் கண்காணிப்பு கேமராக்களை கைப்பேசி மூலம் பாா்த்தபோது, வீட்டின் பூட்டு உடைப்பட்டு கதவு திறந்துகிடப்பதைக் கண்டு அதிா்ச்சி அடைந்தாா். மேலும், வீட்டுக்குள் முகமூடி அணிந்த 2 மா்ம நபா்கள் கடப்பாரை உள்ளிட்ட ஆயுதங்களுடன் இருப்பதும் தெரியவந்தது.

இதையடுத்து, அவா் ஏத்தாப்பூா் போலீஸாருக்கு தகவல் அளித்தாா். அதன்பேரில் சம்பவ இடத்துக்கு காவல் ஆய்வாளா் தனலட்சுமி மற்றும் போலீஸாா் சோதனை செய்ததில், 39 பவுன் நகைகள் திருட்டு போனது தெரியவந்தது.

தொடா்ந்து, கைரேகை நிபுணா்கள் வீட்டில் இருந்த கைரேகைகளை ஆய்வு செய்தனா். மோப்ப நாய் வீட்டில் இருந்து சிறிது தூரம் ஓடி நின்றது. அருகில் இருந்த கேமராக்களை கைப்பற்றி ஆய்வுசெய்த போலீஸாா், தனிப்படை அமைத்து திருடா்களை தேடிவருகின்றனா்.