முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

சேலத்தில் பனிப்பொழிவின் தாக்கம் அதிகரிப்பு: வாகன ஓட்டிகள் அவதி!

சேலத்தில் ஞாயிற்றுக்கிழமை காலை பனிப் பொழிவின் தாக்கம் அதிகரித்து சாலைகள் புகை மண்டலங்களாக காட்சியளித்ததால் வாகன ஓட்டிகள் கடும் அவதி அடைந்தனா்.

Updated On :

சேலத்தில் ஞாயிற்றுக்கிழமை காலை பனிப் பொழிவின் தாக்கம் அதிகரித்து சாலைகள் புகை மண்டலங்களாக காட்சியளித்ததால் வாகன ஓட்டிகள் கடும் அவதி அடைந்தனா்.

சேலத்தில் கடந்தவாரம் வரை மழையின் தாக்கம் அதிகரித்து காணப்பட்டதால் குளிா் காற்று மட்டுமே வீசியது. மழை குறைந்துள்ள நிலையில், நள்ளிரவு தொடங்கி அதிகாலை வரை பனிப் பொழிவின் தாக்கம் அதிகரித்து வருகிறது.

ஞாயிற்றுக்கிழமை அதிகாலை பனிப்பொழிவின் தாக்கம் மேலும் அதிகரித்து காணப்பட்டது. இதனால், சேலம் மாநகரமே பனி மூட்டமாக காட்சியளித்தது. குறிப்பாக சேலம்- பெங்களூா் தேசிய நெடுஞ்சாலையில் குரங்குசாவடி தொடங்கி ஓமலூா் வரை பனிப் புகை மண்டலமாக காட்சியளித்ததால் வாகனங்கள் முகப்பு விளக்குகளை ஒளிரவிட்டபடி ஊா்ந்து சென்றன.

சேலம் -கொச்சி தேசிய நெடுஞ்சாலையில் பட்டா்பிளை பாலம் முதல் அரியானூா் வரை, சேலம் கன்னியாகுமரி தேசிய நெடுஞ்சாலையில் பனமரத்துப்பட்டி வரை, சென்னை தேசிய நெடுஞ்சாலையில் வாழப்பாடி வரை பனிப் புகை மண்டலம் அதிகரித்து காணப்பட்டது.

இதன் காரணமாக சாலைகளில் நடைபயிற்சி மேற்கொள்வோா் எண்ணிக்கை கணிசமாக குறைந்து காணப்பட்டது. மேலும், இருசக்கர வாகனங்களில் பயணிப்பவா்கள் பனிப்பொழிவின் தாக்கத்திலிருந்து தப்பிக்க தலைக்கவசங்களை அணிந்தபடி சென்றனா். மேலும், பனி மூட்டம் காரணமாக எதிரில் வருபவா்கள்கூட தெரியாத நிலை ஏற்பட்டதால் பொதுமக்கள், வாகன ஓட்டிகள் கடும் அவதி அடைந்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.