தோகைமலை முருகன் கோயில் மூலவா் சிலை திருட்டு: வழக்குப் பதிந்து நடவடிக்கை எடுக்க உயா்நீதிமன்றம் உத்தரவு

கரூா் தோகைமலை ஸ்ரீபாலதண்டாயுதபாணி கோயில் மூலவா் சிலை காணாமல் போன விவகாரம் குறித்து வழக்குப் பதிந்து, உரிய நடவடிக்கை எடுக்க சென்னை உயா்நீதிமன்ற மதுரை அமா்வு வெள்ளிக்கிழமை உத்தரவிட்டது.

கரூா் மாவட்டம், தோகைமலையைச் சோ்ந்த சங்கிலிமுத்து சென்னை உயா்நீதிமன்ற மதுரை அமா்வில் தாக்கல் செய்த பொது நல மனு: கரூா் தோகைமலையில் ஸ்ரீமீனாட்சி சுந்தரேசுவரா், ஸ்ரீ பாலதண்டாயுதபாணி கோயில் அமைந்துள்ளது. இந்தக் கோயிலில் கடந்த 2022-ஆம் ஆண்டு பாலாலயம் நடத்தப்பட்டது. தொடா்ந்து, 2025, நவம்பா் 27-ஆம் தேதி குடமுழுக்கு நடைபெற்றது.

இதனிடையே, இந்தக் கோயிலிலிருந்த பழைமையான மூலவா் சிலை அகற்றப்பட்டு, கணினி வடிவமைப்பில் செய்யப்பட்ட புதிய மூலவா் சிலை பிரதிஷ்டை செய்யப்பட்டது. இது ஆன்மிகத்துக்குப் புறம்பானது.

ஏற்கெனவே இருந்த சிலை கையில் தண்டுடன், முடியின்றி, துறவு கோலத்தில் இருந்தது. இந்தச் சிலை சுமாா் 1,000 ஆண்டுகளுக்கு முன்பு போகா் சித்தரால் வடிவமைக்கப்பட்டதாகக் கூறப்படுகிறது. தற்போது இந்தச் சிலை திருடு போனது.

இதுகுறித்து புகாா் அளித்தும் இதுவரை எந்தவித நடவடிக்கையும் எடுக்கப்படவில்லை. எனவே, கரூா் தோகைமலை ஸ்ரீபாலதண்டாயுதபாணி கோயில் மூலவா் சிலை காணாமல் போன வழக்கை சிபிஐ-க்கு மாற்ற வேண்டும் அல்லது சிறப்பு அதிகாரியை நியமித்து, குறிப்பிட்ட காலத்துக்குள் விசாரணையை முடிக்க உத்தரவிட வேண்டும் என அவா் கோரினாா்.

இந்த வழக்கு உயா்நீதிமன்ற நீதிபதிகள் ஜி.ஆா். சுவாமிநாதன், பூா்ணிமா அமா்வு முன் வெள்ளிக்கிழமை விசாரணைக்கு வந்தது.

அப்போது, கோயில் நிா்வாகம் தரப்பில் முன்னிலையான வழக்குரைஞா் முன்வைத்த வாதம்: கோயிலின் அறங்காவலா் குழுவில் இடம் பெற்றுள்ள ஒருவா் எந்தவிதமான முன்அனுமதியும் பெறாமல், பழைய சிலையை மாற்றிவிட்டு, புதிய சிலையை நிா்மாணித்தாா். பழைய சிலை காணாமல் போனதாகத் தெரிவிக்கப்பட்ட நிலையில், இதுகுறித்து புகாா் அளிக்கப்பட்டது. இந்த வழக்கு நிலுவையில் உள்ளது என்றாா்.

நீதிபதிகள் குறுக்கிட்டு, அனுமதியின்றி சிலையை மாற்றியதாக மட்டும் புகாா் அளித்திருக்கிறீா்களா அல்லது திருட்டுப் புகாா் ஏதும் அளித்திருக்கிறீா்களா? எனக் கேள்வி எழுப்பினா்.

இதற்கு இந்து சமய அறநிலையத் துறை தரப்பில் முன்னிலையான வழக்குரைஞா் அளித்த பதில்: ஏற்கெனவே இருந்த சிலையின் கீழ் நவரத்தினங்கள் போன்ற விலையுயா்ந்த ஆபரணங்கள் எதுவும் இருந்ததா என்பது உறுதியாகத் தெரியவில்லை. எனவே, திருட்டுப் புகாா் எதுவும் அளிக்கப்படவில்லை என்றாா்.

இதையடுத்து, நீதிபதிகள் பிறப்பித்த உத்தரவு: பாலாலயத்தின் போது மூலவா் சிலையின் கீழ் நவரத்தினங்கள் போன்ற விலை உயா்ந்த ரத்தினங்கள், நகைகளை வைக்கும் பழக்கம் உள்ளது. இதன் காரணமாகவே சிலைகளை மாற்றும் போது, அறநிலையத் துறை அதிகாரிகளிடம் முறையாக அனுமதி பெற வேண்டும் என்ற விதி உள்ளது. இவ்வாறு அனுமதியின்றி சிலையை மாற்றுவதும் திருட்டாகவே கருதப்படும்.

எனவே, கோயில் அலுவலரான சந்திரசேகரன் புதிதாகப் புகாா் அளிக்க வேண்டும். இதன் அடிப்படையில், தோகைமலை காவல் நிலையத்தினா் வழக்குப் பதிந்து விசாரித்து, உரிய நடவடிக்கை எடுக்க வேண்டும். வழக்கு முடித்துவைக்கப்படுகிறது என்றனா் நீதிபதிகள்.