வழக்குரைஞர் சங்க பொதுக்குழு கூட்டம்

ஒட்டன்சத்திரத்தில் வழக்குரைஞர் சங்க பொதுக்குழுக்கூட்டம் செவ்வாய்க்கிழமை நடைபெற்றது.
கூட்டத்திற்கு சங்கத்தலைவர் வி.பழனிச்சாமி தலைமை வகித்தார். செயலாளர் கே.சின்னக்கருப்பன் முன்னிலை வகித்தார். தமிழக முன்னாள் முதல்வர் மு.கருணாநிதி மறைவிற்கு  இரங்கல் தெரிவித்தும், ஒட்டன்சத்திரத்தில் உள்ள நீதிமன்றங்களில் அடிப்படை வசதிகளை ஏற்படுத்தி கொடுக்கவும், போலி வழக்குரைஞர்களை அடையாளம் கண்டு காவல்துறை நடவடிக்கை எடுக்க வேண்டும் என்பது உள்ளிட்ட தீர்மானங்கள் நிறைவேற்றப்பட்டன.