பராமரிப்புப் பணி: பழனியில் நாளை ரோப்கார் நிறுத்தம்

பழனி மலைக்கோயில் ரோப்கார், பராமரிப்பு பணிக்காக வெள்ளிக்கிழமை (ஜூன் 8) ஒருநாள் மட்டும் நிறுத்தி வைக்கப்படுகிறது.
 இக்கோயிலில் சுவாமி தரிசனம் செய்ய  படிவழி, யானைப்பாதை, விஞ்ச் பாதைக்கு மாற்றாக ரோப்கார் இயக்கப்பட்டு வருகிறது. இரண்டு நிமிடங்களில் மலைக்கோயில் உச்சிக்கு செல்லும் வகையில் அமைக்கப்பட்டுள்ள இந்த ரோப்கார் பக்தர்களிடம் வரவேற்பை  பெற்றுள்ளது.     தினமும் காலை 7 மணி முதல் இரவு 8 மணிவரை இயக்கப்படும் ரோப்கார் மதியம் ஒருமணி நேரமும், மாதத்தில் ஒரு நாளும், வருடத்தில் ஒரு மாதமும்  பராமரிப்பு பணிக்காக நிறுத்தப்படுகிறது.
 இந்நிலையில் மாதாந்திர பராமரிப்புப் பணிக்காக வெள்ளிக்கிழமை ஒருநாள் மட்டும் இந்த ரோப்கார் நிறுத்தப்படுகிறது என கோயில் நிர்வாகம் சார்பில் தெரிவிக்கப்பட்டுள்ளது.