மினுக்கம்பட்டி, பாப்பம்பட்டி பகுதிகளில் செப்டம்பர் 14 மின்தடை

வேடசந்தூர் அடுத்துள்ள மினுக்கம்பட்டி பகுதியில் வெள்ளிக்கிழமை (செப். 14) மின்தடை ஏற்படும் என அறிவிக்கப்பட்டுள்ளது.
இதுகுறித்து உதவி செயற்பொறியாளர் காளிமுத்து கூறியிருப்பதாவது: மினுக்கம்பட்டி துணை மின் நிலையத்தில் வெள்ளிக்கிழமை(செப்.14) மாதாந்திர பராமரிப்பு பணிகள் நடைபெறுகின்றன. இதன் காரணமாக, ஐய்யர்மடம், குறும்பப்பட்டி, எஸ். குட்டம், ஆசாரிபுதூர், எஸ்.சுக்காம்பட்டி, கொன்னம்பட்டி, எஸ்.கே.புதூர், கோட்டைமேடு, வி.புதுக்கோட்டை ஆகிய இடங்களில் காலை 9 முதல் பிற்பகல் 2 மணி வரை மின் விநியோகம் இருக்காது எனத் தெரிவித்துள்ளார்.
பழனி: பழனியை அடுத்த பாப்பம்பட்டி சுற்றுவட்டாரப் பகுதிகளில் வெள்ளிக்கிழமை மின்தடை அறிவிக்கப்பட்டுள்ளது.
இதுகுறித்து பழனிக் கோட்ட செயற்பொறியாளர் சந்திரசேகர் வெளியிட்டுள்ள அறிக்கை: பழனி கோட்டத்துக்குள்பட்ட பாப்பம்பட்டி துணை மின் நிலையத்தில் வெள்ளிக்கிழமை பராமரிப்புப் பணிகள் நடைபெற உள்ளன. இதன் காரணமாக பாப்பம்பட்டி, ஆண்டிபட்டி, அய்யம்பாளையம், சித்தரேவு, காவலப்பட்டி, வி.பி.புதூர், தாதநாயக்கன்பட்டி மற்றும் கரடிகூட்டம் பகுதிகளில் அன்று காலை 9 மணி முதல் மாலை 5 மணி வரை மின்சாரம் விநியோகம் நிறுத்தப்படும் என தெரிவித்துள்ளார்.