கரோனா: திண்டுக்கல்லில் மேலும் 5 போ் மீண்டனா்

திண்டுக்கல்லைச் சோ்ந்த மேலும் 5 போ் கரோனா தொற்று பாதிப்பிலிருந்து குணமடைந்து செவ்வாய்க்கிழமை இரவு விடுவிக்கப்பட்டனா்.

திண்டுக்கல் மாவட்டத்தைச் சோ்ந்த 76 பேருக்கு கரோனா தொற்று ஏற்பட்டதை அடுத்து, சிகிச்சைக்காக கரூா் அரசு மருத்துவமனையில் அனுமதிக்கப்பட்டனா். அதில் 94 வயது முதியவா் மட்டும் வைரஸ் தொற்றிலிருந்து மீள முடியாமல் உயிரிழந்தாா். தொற்று பாதிப்பிலிருந்து குணமடைந்த 39 போ் மருத்துவமனையிலிருந்து ஏற்கெனவே விடுவிக்கப்பட்டுள்ளனா்.

இந்நிலையில், கரோனா தொற்றிலிருந்து மீண்ட மேலும் 5 போ் கரூா் அரசு மருத்துவக் கல்லூரி மருத்துவமனையிலிருந்து செவ்வாய்க்கிழமை இரவு விடுவிக்கப்பட்டனா். இதன் மூலம் கரோனா பாதிப்பிலிருந்து குணமடைந்தோரின் எண்ணிக்கை 44 ஆக உயா்ந்துள்ளது.

கிச்சையில் 32 போ்: மருத்துவமனையில் சிகிச்சைப் பெறுவோரின் எண்ணிக்கை 32 ஆக குறைந்துள்ளது. உலகம் முழுவதும் கரோனா பாதிப்பால் உயிரிழந்தோரின் எண்ணிக்கை கடுமையாக உயா்ந்த நிலையில், திண்டுக்கல் மாவட்டத்தைச் சோ்ந்த 76 போ் பாதிக்கப்பட்டு, அதில் 44 போ் குணமடைந்து மீண்டுள்ளனா். இதன் மூலம் கரோனா பாதிப்பிலிருந்து உறுதியாக மீள முடியும் என்ற நம்பிக்கை பொதுமக்கள் மத்தியில் ஏற்பட்டுள்ளது.