தொடா்மழையால் கொடைக்கானல் சாலைகளில் தடுப்புச் சுவா் சேதம்

கொடைக்கானலில் பெய்த தொடா் மழை காரணமாக சாலையோரங்களில் பல இடங்களில் தடுப்புச் சுவா் சேதமடைந்துள்ளதால் வாகனங்கள் கவனமாக செல்ல வேண்டும் என வருவாய்த் துறையினா் அறிவுறுத்தியுள்ளனா்.

கொடைக்கானலில் ஞாயிற்றுக்கிழமை அதிகாலை முதல் மிதமான மழை பெய்தது. அதன் பின் சற்று மழை குறைந்திருந்தது. அதனைத் தொடா்ந்து மாலையில் சுமாா் 30 நிமிடங்கள் பரவலாக பலத்த மழை பெய்தது.

இதனால் கொடைக்கானல்- வத்தலகுண்டு சாலையில் உள்ள வாழைகிரி, கும்பரையூா், குருசடி மெத்து ஆகியப் பகுதிகளிலும், கொடைக்கானல்- பழனி மலைச்சாலையில் உள்ள கூம்பூா், கோம்பைக்காடு பகுதிகளிலும், கொடைக்கானல் மேல்மலைப் பகுதிகளான பூம்பாறை, மன்னவனூா் செல்லும் சாலையிலும் உள்ள தடுப்புச் சுவா்கள் சேதமடைந்துள்ளன.

எனவே மலைச் சாலைகளில் வாகனங்களில் பயணம் மேற்கொள்பவா்கள் கவனமாக செல்ல வேண்டுமென வருவாய்த்துறையினா் அறிவுறுத்தியுள்ளனா்.

வீடுகள் சேதம்: கொடைக்கானல் மேல்மலைப் பகுதிகளில் பெய்த பலத்த மழையால் கூக்கால், நாட்டுக்கவை உள்ளிட்ட இடங்களில் 5 வீடுகளின் சுவா்கள் சேதமடைந்தன.

இதுகுறித்து கொடைக்கான் சாா்- ஆட்சியா் சிவகுருபிரபாகரன் கூறியதாவது: கொடைக்கானல் பகுதிகளில் பெய்த மழையின் காரணமாக வீடுகள் சேதமடைந்தாலோ, விவசாயப் பயிா்கள் சேதமடைந்தாலோ, கால்நடைகள் இறந்தாலோ அவை குறித்து கண்டறியப்பட்டு வருகின்றன.

ஏதேனும் நிா்வாகத்தின் கவனத்துக்கு வராமல் இருந்தால் உடனடியாக தகவல் தெரிவிக்கலாம். அப்போது விசாரணை நடத்தி நடவடிக்கை எடுக்கப்படும் என்றாா்.