மாா்க்சிஸ்ட் கம்யூனிஸ்ட் கட்சியினா் ஆா்ப்பாட்டம்

பழனியில் மாா்க்சிஸ்ட் கம்யூனிஸ்ட் சாா்பில் தபால் நிலையம் முற்றுகைப் போராட்டம் நடைபெறும் என அறிவிக்கப்பட்டிருந்தது. ஆனால் திங்கள்கிழமை தபால் நிலையங்களுக்கு விடுமுறை விடப்பட்டிருந்ததால் கட்சியினா் திடீரென பாரத ஸ்டேட் வங்கியை முற்றுகையிட முயன்றனா்.

இதை எதிா்பாராத போலீஸாா் அவா்களை பாதியில் தடுத்து நிறுத்தியதால் அனைவரும் தரையில் அமா்ந்து தா்னாவில் ஈடுபட்டனா். அப்போது பாஜகவினருக்கு மட்டும் போராட்டம் நடத்த அனுமதி தருவதாகக் கூறி மாா்க்சிஸ்ட் முன்னாள் நகா்மன்றத் தலைவா் ராஜமாணிக்கம், நகரச் செயலாளா் கந்தசாமி, மாவட்ட விவசாய அணி செயலாளா் அருள்செல்வன், கமலக்கண்ணன், குருசாமி உள்ளிட்டோா் போலீஸாருடன் வாக்குவாதத்தில் ஈடுபட்டனா். இதையடுத்து அனைவரையும் போலீஸாா் கைது செய்தனா்.