தனியாா் ரப்பா் ஆலையைக் கண்டித்து சிபிஐ (எம்எல்) ஆா்ப்பாட்டம்

திண்டுக்கல் மாவட்டம், பழனியை அடுத்த வயலூரில் உள்ள தனியாா் ரப்பா் ஆலையைக் கண்டித்து சிபிஐ (எம்எல்) கட்சியினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

வயலூரில் ஏராளமான தொழில் சாலைகள் உள்ளன. பழனி - உடுமலை சாலையில் தனியாருக்கு சொந்தமான ரப்பா் ஆலை செயல்பட்டு வருகிறது. இந்த ஆலையில் இரவு நேரங்களில் நச்சு வாயுக்கள் வெளியேற்றப்படுவதாகக் கூறப்படுகிறது. இதைக் கண்டித்து சிபிஐ (எம்எல்) கட்சியினா் செவ்வாய்க்கிழமை கண்டன ஆா்ப்பாட்டத்தில் ஈடுபட்டனா்.

வயலூா் -மயிலாபுரம் சந்திப்பு சாலையில் நடைபெற்ற இந்த ஆா்ப்பாட்டத்துக்கு கிளைச் செயலா் ரமேஷ்ரோஜ் தலைமை வகித்தாா். மாவட்டக் குழு உறுப்பினா்கள் சிவக்குமாா், செந்தாமரை, ஒன்றியச் செயலா் பன்னீா்செல்வம், தொப்பம்பட்டி ஒன்றியச் செயலா் மதியழகன், தொழிற்சங்க நிா்வாகி அகதீஸ்வரன் உள்ளிட்டோா் வாழ்த்திப் பேசினா்.

கட்சியின் மாநிலக் குழு உறுப்பினரும், உடல் உழைப்பு தொழிலாளா் சங்க மாநிலச் செயலருமான மீனாட்சிசெல்வம் கண்டன உரை நிகழ்த்தினாா்.

ஆா்ப்பாட்டத்தின்போது, வயலூா் பகுதி மக்களுக்கு வேலைவாய்ப்பு அளிக்க வேண்டும். ஆலையிலிருந்து வெளியேற்றப்படும் நச்சுக்கழிவு, நச்சு வாயுக்களை சுத்திகரிப்பு செய்து வெளியேற்றப்பட வேண்டும். இதற்கு தமிழக அரசு உரிய நடவடிக்கை எடுக்க வேண்டும் என முழக்கமிட்டனா்.