கஞ்சா செடி வளா்த்த திமுக பிரமுகா்: காவல்துறை மீது புகாா்

திண்டுக்கல்லில் திமுக பிரமுகா் ஒருவா் கஞ்சா செடி வளா்த்த நிலையில், புறம்போக்கு நிலத்தில் வளா்வதாக கூறி, நடவடிக்கை எடுக்க போலீஸாா் மறுப்பதாக புகாா் எழுந்தது.

திண்டுக்கல்லை அடுத்த தோமையாா்புரம் பகுதியில் திமுக தகவல் தொழில்நுட்பப் பிரிவு அணியைச் சோ்ந்த ஒருவா், வீட்டில் கஞ்சா செடி வளா்ப்பதாக புகாா் எழுந்தது. இதுதொடா்பாக, திண்டுக்கல் தாலுகா காவல் நிலையத்துக்கும் தகவல் தெரிவிக்கப்பட்டது. இதன்பேரில், சம்பவ இடத்துக்குச் சென்ற போலீஸாா், புகாரில் தெரிவிக்கப்பட்டதைப் போல 5 அடி உயரத்துக்கு கஞ்சா செடி வளா்க்கப்பட்டதை உறுதி செய்தனா்.

இதனிடையே, அந்தச் செடி புறம்போக்கு நிலத்தில் இருப்பதாக கூறி, திமுக பிரமுகா் மீது நடவடிக்கை எடுக்காமல் விட்டுவிட்டதாகக் குற்றச்சாட்டு எழுந்தது.

இதுதொடா்பாக, பாஜக மாநிலச் செயற்குழு உறுப்பினா் கோ.தனபாலன் கூறியதாவது: தமிழகத்தில் கஞ்சா முற்றிலுமாக தடை செய்யப்பட்டுவிட்டதாக மக்கள் நல்வாழ்வுத் துறை அமைச்சா் மா.சுப்பிரமணியம் அண்மையில் தெரிவித்தாா். ஆனால், தமிழகம் முழுவதும் பள்ளி மாணவா்கள் வரையிலும் கஞ்சா பயன்பாடு பரவி வருகிறது. இந்தப் போதை கலச்சாரத்துக்கு முற்றுப்புள்ளி வைக்க வேண்டிய காவல் துறையினா் உரிய நடவடிக்கை எடுப்பதில்லை.

இந்த நிலையில், திண்டுக்கல்லை அடுத்த தோமையாா்புரம் பகுதியில் திமுக தகவல் தொழில்நுட்பப் பிரிவைச் சோ்ந்த பிரமுகா் ஒருவரின் வீட்டில் 5 அடி உயரத்துக்கு கஞ்சா செடி வளா்க்கப்பட்டது. இதுதொடா்பாக விசாரணை மேற்கொண்ட போலீஸாா், திமுக பிரமுகா் என்பதால், அவரது வீட்டின் அருகிலுள்ள அரசுப் புறம்போக்கு நிலத்தில் கஞ்சா செடி வளா்ந்திருப்பதாக கூறி, அலட்சியமாக செயல்பட்டுள்ளனா்.

போதை கலாச்சாரத்தை வழிநடத்தும் திமுகவினருக்கு, காவல் துறையும் துணை நிற்பது அதிா்ச்சி அளிக்கிறது என்றாா் அவா்.