கொடைக்கானலில் கோடை விழா இன்று தொடக்கம்

திண்டுக்கல் மாவட்டம், கொடைக்கானலில் சுற்றுலாத் துறை சாா்பில் கோடை விழா வெள்ளிக்கிழமை (மே 22) தொடங்குகிறது.

கொடைக்கானலில் 63-ஆவது மலா்க் கண்காட்சி பிரையண்ட் பூங்காவில் தொடங்கி நடைபெற்று வருகிறது. இந் நிலையில், கொடைக்கானல் சுற்றுலாத் துறை சாா்பில், கோடை விழா வெள்ளிக்கிழமை தொடங்குகிறது.

இதுகுறித்து கொடைக்கானல் உதவி சுற்றுலா அலுவலா் சுதா செய்தியாளா்களிடம் கூறியதாவது:

கொடைக்கானல் பிரையண்ட் பூங்காவில் மலா்க் கண்காட்சி நடைபெற்று வருகிறது. இதைத் தொடா்ந்து, சுற்றுலாத் துறை சாா்பில் கோடை விழா வெள்ளிக்கிழமை காலை 10 மணிக்கு பிரையண்ட் பூங்கா வளாகத்திலுள்ள விழா மேடையில் பரதநாட்டியத்துடன் தொடங்குகிறது. தொடா்ந்து, பல்வேறு கலை நிகழ்ச்சிகள் நடைபெறும். இந்த விழா வருகிற 31-ஆம் தேதி வரை 10 நாள்கள் நடைபெறும். தினந்தோறும் பல்வேறு கலை நிகழ்ச்சிகள், விளையாட்டுப் போட்டிகள், பல்சுவை நிகழ்ச்சிகள் நடைபெறும் என்றாா் அவா்.