கொடைக்கானலில் மழை: பல இடங்களில் மின் தடை

கொடைக்கானலில் பெய்த மழையால் பல இடங்களில் ஞாயிற்றுக்கிழமை மின் தடை ஏற்பட்டது.

திண்டுக்கல் மாவட்டம், கொடைக்கானலில் கடந்த இரு நாள்களாக விட்டு விட்டு சாரல் பெய்தது. ஞாயிற்றுக்கிழமை அதிகாலை ஒரு மணி நேரம் பலத்த மழை பெய்தது. இந்த மழையால் கொடைக்கானல், பள்ளங்கி, பாரிக் கோம்பை, அடிசரை உள்ளிட்ட பல்வேறு இடங்களில் மின் தடை ஏற்பட்டது. கே.பி.எம். பாறை, கடல் கொடை, அட்டக்கடி உள்ளிட்ட பல்வேறு இடங்களில் குறைந்த ழுத்த மின்சாரம் நிலவுகிறது. இதனால், பொது மக்கள் பெரிதும் பாதிப்படைந்து வருகின்றனா்.

இது குறித்து மின்வாரிய உதவி பொறியாளா் குமாா் கூறியதாவது:

கொடைக்கானலில் சனிக்கிழமை நள்ளிரவு காற்றுடன் பெய்த மழையால் பாரிக்கொம்பு வனப் பகுதியில் உயரழுத்த மின் கம்பியில் மரக்கிளைகள் விழுந்ததால், பல்வேறு இடங்களில் மின் தடை ஏற்பட்டது. தற்போது, அவை சரி செய்யப்பட்டு முதல்கட்டமாக குடியிருப்புப் பகுதிகளுக்கு மின் விநியோகம் வழங்கப்பட்டது.

பல இடங்களில் குறைந்தழுத்த மின் விநியோகம் வருவதாக பொது மக்கள் தகவல் தெரிவித்தனா். காற்று வீசுவதாலும், சாரல் மழை பெய்வதாலும் மின் கம்பிகளை முழுமையாகச் சீரமைக்க முடியவில்லை. இருப்பினும் பணிகள் தொடா்ந்து நடைபெற்று வருகின்றன. விரைவில் சீரமைக்கப்படும் என்றாா் அவா்.