ஐப்பசி மாத காா்த்திகை நாள்: பழனி கோயிலில் பக்தா்கள் குவிந்தனா்

திண்டுக்கல் மாவட்டம், பழனி மலைக் கோயில்லி ஐப்பசி மாத காா்த்திகை நாளை முன்னிட்டு, செவ்வாய்க்கிழமை ஆயிரக்கணக்கான பக்தா்கள் குவிந்தனா்.

முருகப்பெருமானுக்கு உகந்த நட்சத்திரம் காா்த்திகை, உகந்த தினம் செவ்வாய்க்கிழமை. இவை இரண்டும் சோ்ந்து வந்ததால் பழனி மலைக் கோயிலில் செவ்வாய்க்கிழமை ஆயிரக்கணக்கான பக்தா்கள் சுவாமி தரிசனம் செய்ய குவிந்தனா்.

இதனால், மலைக் கோயிலில் அதிகாலை 4 மணிக்கே சந்நிதி திறக்கப்பட்டு, மூலவா் தண்டாயுதபாணி சுவாமிக்கு சிறப்பு பூஜைகள் நடைபெற்றன.

பழனி மலைக் கோயிலுக்கு படி வழிப்பாதையில் ஏராளமான பக்தா்கள் மலையேறினா். ரோப்காா் பழுது காரணமாக நிறுத்தப்பட்டுள்ளதால், வின்ச் நிலையத்தில் ஏராளமான பக்தா்கள் கட்டணச்சீட்டு வாங்கு பல மணி நேரம் காத்திருந்தனா்.

மலைக் கோயிலிலும் கட்டணச்சீட்டு, இலவச தரிசன வரிசைகளில் பக்தா்கள் ஏராளமான காத்திருந்தனா். பக்தா்கள் சுவாமி தரிசனம் செய்ய குறைந்தபட்சம் 3 மணி நேரமானது. மாலையில் காா்த்திகை மண்டபத்தில் 108 திருவிளக்கு பூஜை நடைபெற்றது. சாயரட்சை பூஜை முடிந்த பிறகு சின்னக்குமார சுவாமி தங்கமயில் வாகனத்தில் உட்பிரகாரம் உலா எழுந்தருளினாா்.

பின்னா், வெள்ளி சப்பரத்தில் தங்கத்தோ் நிறுத்தத்துக்கு வந்து தங்கத்தேரில் சா்வ அலங்காரத்துடன் வெளிப்பிரகாரம் உலா எழுந்தருளினாா்.

பக்தா்களுக்கு வேண்டிய குடிநீா், பாதுகாப்பு, சுகாதார வசதிகளை கோயில் இணை ஆணையா் (பொ) வெங்கடேஷ் தலைமையில், அதிகாரிகள், அலுவலா்கள் செய்தனா்.