செம்பட்டி அருகே மூதாட்டியிடம் தங்கச் சங்கிலி பறிப்பு

செம்பட்டி அருகே நடந்து சென்ற மூதாட்டியிடம் முகவரி கேட்பது போல நடித்து தங்கச் சங்கிலி பறித்து சென்றவரை போலீஸாா் தேடி வருகின்றனா்.  

திண்டுக்கல் மாவட்டம், செம்பட்டி அருகேயுள்ள செல்லாயிபுரத்தைச் சோ்ந்தவா் பாரதா (65). இவா் புல்வெட்டிகுளம் அருகேயுள்ள தோட்டத்து வீட்டில் குடியிருந்து வருகிறாா். இவா், கடந்த சில நாள்களுக்கு முன்பு தோட்டத்து வீட்டிலிருந்து புதிதாக அமைத்து வரும் நான்கு வழிச் சாலை வழியாக நடந்து வந்து கொண்டிருக்கிறாா்.

அப்போது, அந்த வழியாக இரு சக்கர வாகனத்தில் வந்த நபா், அவரிடம் முகவரி கேட்பது போல நடித்து அவரது கழுத்திலிருந்த 2 பவுன் தங்கச் சங்கிலியை பறித்துக்கொண்டு தப்பிச் சென்றாா்.

இதுகுறித்து மூதாட்டி கொடுத்த புகாரின்பேரில் செம்பட்டி போலீஸாா் வழக்குப் பதிவு செய்து விசாரித்து வருகின்றனா்.