தீக்காயமடைந்த பெண் சிகிச்சை பலனின்றி சாவு

மதுரை அலங்காநல்லூர் அருகே சிக்கந்தர்சாவடியைச் சேர்ந்தவர் காளிமுத்து (35), கட்டடத் தொழிலாளி. இவரது மனைவி அம்சவள்ளி (29). சில நாள்களுக்கு முன் வீட்டில் சமையல் செய்தபோது, எதிர்பாராதவிதமாக ஸ்டவ் அடுப்பு வெடித்து அம்சவள்ளி உடலில் தீப்பற்றியது. ஆபத்தான நிலையில், மதுரை அரசு மருத்துவமனையில் சேர்க்கப்பட்ட அவர், அங்கு சிகிச்சை பலனின்றி புதன்கிழமை உயிரிழந்தார்.

தற்கொலை:   சிக்கந்தர் சாவடியைச் சேர்ந்தவர் ஷாஜகான் (55). இவருடைய மனைவி முத்துகனி. இவர், சில ஆண்டுகளுக்கு முன் இறந்துவிட்டார். இந்நிலையில், தனிமையில் இருந்துவந்த  ஷாஜகான், வாழ்க்கையில் வெறுப்படைந்து வியாழக்கிழமை வீட்டில் தூக்கிட்டுத் தற்கொலை செய்துகொண்டார்.

  இந்த இரு சம்பவங்கள் தொடர்பாக, அலங்காநல்லூர் போலீஸார் வழக்குப் பதிந்து விசாரணை நடத்தி வருகின்றனர்.