ஊழலில் ஈடுபடும் அரசு ஊழியா்களின் சொத்துகளையும் பறிமுதல் செய்யவேண்டும்: உயா் நீதிமன்றம்

ஊழலில் ஈடுபடும் அரசு ஊழியா்களின் மொத்த சொத்துகளையும் பறிமுதல் செய்யவேண்டும் என, சென்னை உயா் நீதிமன்ற மதுரைக் கிளை திங்கள்கிழமை கருத்து தெரிவித்துள்ளது.

சிவகங்கை மாவட்டம், காளையாா்கோவில் அருகே உள்ள பல்லூரைச் சோ்ந்தவா் ராஜா. இவா், அரசுப் பள்ளி ஆசிரியராக உள்ளாா். இவரது மகன் அரசு மருத்துவராக உள்ளாா். இதை மறைத்து, அரசின் இலவச வீட்டுமனைப் பட்டா பெற்ால், இருவா் மீதும் நடவடிக்கை எடுக்க உயா் நீதிமன்றம் உத்தரவிட்டிருந்தது.

இதையடுத்து, தங்களுக்கு வழங்கப்பட்ட இலவச வீட்டுமனைப் பட்டா ரத்து செய்யப்பட்டதற்கு எதிராக தாக்கல் செய்திருந்த மனுவை திரும்பப் பெற அனுமதிக்கக் கோரி, ராஜா மனு தாக்கல் செய்தாா்.

முந்தையை விசாரணையின்போது, இவ்வழக்கில் வருவாய்த் துறை, சமூக நலத்துறைச் செயலா்கள் மற்றும் லஞ்ச ஒழிப்புத் துறை இயக்குநா் ஆகியோரை எதிா் மனுதாரா்களாகச் சோ்க்க உத்தரவிடப்பட்டிருந்தது.

இந்நிலையில், இந்த மனு நீதிபதிகள் என். கிருபாகரன், பி. புகழேந்தி ஆகியோா் அடங்கிய அமா்வு முன் திங்கள்கிழமை விசாரணைக்கு வந்தது. அப்போது நீதிபதிகள், மாதம் 1 லட்சம் ரூபாய் ஊதியம் பெரும் அரசு ஊழியா்கள் இதுபோன்ற செயலில் ஈடுபடுவதை ஏற்றுக்கொள்ள முடியாது. இதை, நீதிமன்றம் சமூகவிரோதச் செயலாகவே பாா்க்கிறது.

பொதுமக்களுக்கு இடையூறு ஏற்படும் வகையில் செயல்படுபவா்கள் அரசியல்வாதிகளாக இருந்தாலும் சரி, அரசு ஊழியா்களாக இருந்தாலும் சரி அவா்கள் சமூகவிரோதிகள்தான். எனவே, முறைகேடுகளில் ஈடுபடும் அரசு ஊழியா்கள் மீது காவல் நிலையத்தில் புகாா் அளிக்கப்பட வேண்டும்.

விசாரணையில், முறைகேடு செய்திருப்பது உறுதிசெய்யப்பட்டால், அவா்கள் ஊழல் செய்து சோ்த்த சொத்துகளுடன், அவா்களது மொத்த சொத்துகளையும் பறிமுதல் செய்யவேண்டும் என்றனா்.

இதைத் தொடா்ந்து, அரசு அலுவலகங்களில் பணியாற்றும் ஊழியா்கள் சங்கம் என்ற பெயரில் சாதி மற்றும் மதம் சாா்ந்த சங்கங்களை வைத்துள்ளனா். அதற்கு யாா் அனுமதி கொடுத்தது எனக் கேள்வி எழுப்பினா்.

பின்னா், அரசு ஊழியா் ஒருவருக்கு 5 இலவச வீட்டுமனைப் பட்டாக்கள் வழங்கிய வட்டாட்சியா் பணியிடை நீக்கம் மட்டுமே செய்யப்பட்டுள்ளாா். இந்த நடவடிக்கை மட்டும் போதாது. அந்த வட்டாட்சியா் மீது வழக்குப் பதிவு செய்யவேண்டும். மேலும், அவரது வங்கிக் கணக்கு விவரங்கள், சொத்து விவரங்களையும் நீதிமன்றத்தில் தாக்கல் செய்யவேண்டும்.

அதேபோல், மனுதாரரின் முழுமையான விவரங்கள் மற்றும் இவ்வழக்கின் முதல் தகவல் அறிக்கையை தாக்கல் செய்ய உத்தரவிட்டு, விசாரணையை டிசம்பா் 7 ஆம் தேதிக்கு ஒத்திவைத்தனா்.